Bright-Star-Kataloog

Vun Wikipedia

De Bright-Star-Kataoog (ok Yale Catalogue of Bright Stars) is en Steernkataloog. Dat is de Nafolger vun den Harvard Revised Photometry Catalogue, de 1908 vun Edward Charles Pickering publizeert worrn is. In’n Bright-Star-Kataloog staht all Steerns de heller sünd as Magnitude 6,5. De eerste Oplaag is 1930 rutkamen. As de letzte druckte Utgaav is 1982 de 4. Oplaag rutkamen, de 5. Oplaag is siet 1991 rut, man blots noch online oder as elektroonsche Version.

De Bright-Star-Kataloog bargt 9110 Objekten, vun de in de Twüschentiet veerteihn as Novae oder butengalaktische Objekten kennt worrn sünd. Man, disse Objekten staht ok vunddag noch in den Kataloog binnen, üm det de Reeg vun de Tallen bibehollen blifft. Invt Johr 1983 is en Tosatz rutbröcht worrn, in de noch mol 2603 Steerns staht mit Magnituden bit 7,1. Blangen de Bayer-Beteken un de Flamsteed-Beteken sünd in den Kataloog ok de Egenbewegen, de schienbore Helligkeit, de Parallaxe un annere Kommentaren to de Steerns angeven.

As Verwies op den Bright-Star-Kataloog warrt de Afkörten HR (för Harvard Revised) bruukt.

Websteed[ännern | Bornkood ännern]