Volksbank Freenbeek-Olendörp-Ohlers

Vun Wikipedia
(wiederwiest vun Volksbank Olendörp)
Zur Navigation springen Zur Suche springen

De Volksbank eG Freenbeek-Olendörp-Ohlers is en Volksbank mit Seet in Freenbeek. De Bank höört to’n Genossenschaftsverband un hett fiev Filialen in’n Süüdwesten von’n Landkreis Stood (Samtgemeen Freenbeek, Samtgemeen Ohlers un fröhere Samtgemeen Olendörp). Ans tellt ok noch de Gemeen Farm in’n Landkreis Rodenborg to dat Rebeed von de Bank. Den Vörstand billt Sven van Haren, Rainer Peters un Elke Wichels, de Vörsitter von’n Opsichtsraad is Bernd Reitmann.

De BLZ is 200 698 12 un de BIC GENO DEF1 FRB. De Bilanzsumm weer an’n 31. Dezember 2016 279 Millionen Euro. De Bank hett 58 Mitarbeiders, 5373 Maten un 12.000 Kunnen mit 24.000 Konten (Stand 31. Dezember 2016).

Blangen Freenbeek hett de Volksbank ok noch Filialen in Olendörp, Ohlers, Kutenhult, Mulsen un Heinbockel.

Historie[ännern | Bornkood ännern]

De hüdige Bank hett sik 2010 dör de Fusion von de Volksbank Olendörp un de Volksbank Freenbeek billt. In’n Juni 2016 hett de Volksbank Freenbeek-Olendörp denn beslaten, trüggwards to’n 1. Januar 2016 ok mit de Volksbank Ohlers tohooptogahn.

De Filiaal in Kronenborg hett to’n 1. April 2016 dichtmaakt. De Filialen in Gröpel un Esdörp hebbt jüstso 2016 dichtmaakt. Ok de Filiaal in Heinbockel gifft dat nich mehr.

Volksbank Freenbeek[ännern | Bornkood ännern]

De eerste Spoor- un Dorlehnskass in de Region hett sik 1892 in Mulsen grünnt. 1924 hett sik ok en Kass in Byhusen grünnt un 1925 in Kutenhult un Freenbeek. In de Johren 1960 hebbt sik de Kassen in Byhusen un Kutenhult tohoopslaten un jüstso de in Freenbeek un Mulsen. In de Johren 1970 sünd ut de Spoor- un Dorlehnskassen Volksbanken worrn.

De Volksbanken Freenbeek un Kutenhult hebbt sik 1986 to de Volksbank Freenbeek tohoopdaan.

De Volksbank Freenbeek is 2010 dör Fusion mit de Volksbank Olendörp tohoopgahn.

Volksbank Olendörp[ännern | Bornkood ännern]

De Volksbank Olendörp is an’n 13. Juni 1897 as Spoor- un Dorlehnskass Olendörp von 55 Maten grünnt worrn. To de Maten von de eerste Stünn hebbt Buurn, Gastlüüd, Möhlenbesitters, Olendelers un Handwarkers ut de Öörd Gröpel, Kronenborg, Esdörp, Sunn, Kaken un Olendörp höört. 1924 hett dat Ünnernehmen ok dat Worengeschäft opnahmen.

1954 is de Spoor- un Dorlehnskass Olendörp mit de Spoor- un Dorlehnskass Gröpel tohoopgahn.

1966 is dat Worengeschäft in de egene Weertschopsgenossenschaft eGmbH Olendörp utlagert worrn. 1975 hett de Spoor- un Dorlehnskass ehren Naam ännert in Volksbank eG Olendörp.

De Volksbank Olendörp is 2010 dör Fusion mit de Volksbank Freenbeek tohoopgahn.

Volksbank Ohlers[ännern | Bornkood ännern]

De Spoor- un Dorlehnskass Ohlers is an’n 28. Januar 1911 grünnt worrn un weer in dat Huus von’n eersten Rendant, den Koopmann un Möllermeester H. C. Alpers ünnerbrocht.[1] 1923 is Hinrich Lütjen Rendant worrn un de Kass ümtagen in dat Huus von’n Mürgermeester Tibke.[1] 1927 is de Kass denn wedder ümtagen in dat Huus von Hinrich Lütjen an’n Lütten Damm.[1] 1933 is Holthusen Rendant worrn un 1935 Voss.[1] 1936 is de Kass in dat Huus Dammann tagen.[1] Dat eerste egene Gebüüd an’n Lütten Damm hett de Bank 1951 kregen.[1] 1980 hett se en neet Gebüüd an de Straat Lütten Damm boot, dat an’n 3. Oktober apenmaakt hett.[1] 1992 is de Volksbank Ohlers mit de Spoor- un Dorlehnskass Wangersen dör Fusion tohoopgahn.[2] De Filiaal in Wangersen hett denn to’n 14. November 2014 dichtmaakt.[2]

De Volksbank Ohlers harr toletzt 9 Mitarbeiders un twee Lüüd, de utbillt worrn sünd. De Bank harr 5335 Kunnen un 1367 Maten. De Bilanzsumm weer 61,5 Milljonen Euro (2015). De BLZ weer 200 697 80 un de BIC GENODEF1AST. Den Vörstand hebbt Hans-Heinrich Dammann un Elke Wichels billt.

In’n Juni 2016 hett de Volksbank Ohlers beslaten, trüggwards to’n 1. Januar 2016 mit de Volksbank Freenbeek-Olendörp tohooptogahn.

Footnoten[ännern | Bornkood ännern]

  1. a b c d e f g Aus der Geschichte Ahlerstedts op ahlerstedt.info
  2. a b Jörg Dammann: Zoff wegen Zweigstellen-Schließung: Wangerser Filiale der Volksbank Ahlerstedt macht dicht, Wochenblatt an’n 29. Oktober 2014

Weblenken[ännern | Bornkood ännern]