Volkens
Dit Woort hett noch annere Bedüden: kiek dorför ünner Volkens (Mehrdüdig Begreep).
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04282 | |
| Geograafsche Laag: | Koordinaten:53° 17′ N, 9° 25′ O53° 17′ N, 9° 25′ O | |
|
| ||
Volkens (hoochdüütsch Volkensen) is en Dörp in de Gemeen Elsdörp (Samtgemeen Zeven) in’n Landkreis Rodenborg, Neddersassen. De Oort höört polietsch al von öllers mit Nindörp tohoop.
Geografie
[ännern | Bornkood ännern]En poor hunnert Meter in’n Oosten von Volkens flütt de Oost langs. In’n Süden liggt dat Naturschuulrebeed Magerweid süüdoosten Volkens.
De Naveröörd sünd Hanraad in’n Noorden, Kohmöhlen un Groot Meckels in’n Noordoosten, Kön’hoff in’n Oosten, Homersen un Alpershusen in’n Süüdoosten, Nindörp un Rüspel in’n Süüdwesten, Frankenbossel in’n Westen un Freyersen un Weertzen in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Gemeen weer Maat von de Samtgemeen Elsdörp un is an’n 1. März 1974 mit de Gemeenreform in Neddersassen an de Gemeen Elsdörp kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 10 Füürsteden |
| 1824[2] | 8 Füürsteden |
| 1848[3] | 72 Lüüd, 12 Hüüs |
| 1. Dezember 1871[4] | 62 Lüüd, 12 Hüüs |
Religion
[ännern | Bornkood ännern]Volkens is evangeelsch-luthersch präägt un höört to dat Kaspel von de Allerhilligen-Kark in Elsdörp.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Kultur
[ännern | Bornkood ännern]Verenen
[ännern | Bornkood ännern]Volkens hett en Schüttenvereen tohoop mit Rüspel. De Schüttenvereen is an’n 6. Februar 1921 grünnt worrn.
Weertschop un Infrastruktur
[ännern | Bornkood ännern]Volkens hett en egene freewillige Füürwehr.
Verkehr
[ännern | Bornkood ännern]Dör Volkens löppt de Kreisstraat 126, de in’n Noordoosten na Groot Meckels an de Landsstraat 142 ran geiht un in’n Süüdwesten över Nindörp un Poitzendörp in Elsdörp an de L 131. Över de L 142 besteiht Ansluss na Zittens un över de L 131 na Zeven un Scheeßl.
De nächste Autobahn is de Autobahn 1. De Opfohrt 48 Elsdörp liggt so bi söven Kilometer in’n Süüdwesten von Volkens.
De nächste Bahnhoff is so bi 20 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok en Bahnhoff an de Bahnlien Bremervöör–Wasra geven. Dat weer de Bahnhoff Elsdörp acht Kilometer in’n Süüdwesten. Personenverkehr hett dat dor von 1906 bet 1968 geven.
Scholen
[ännern | Bornkood ännern]Fröher sünd de Kinner ut Volkens na de Volksschool in Rüspel gahn. Vondaag gaht se op de Grundschool Elsdörp.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 236: https://books.google.de/books?id=jN5QAAAAcAAJ&pg=PA236
- ↑ C. H. Jansen: Statistisches Handbuch des Königreichs Hannover. 1824, Sied 624: http://books.google.de/books?id=tG0AAAAAcAAJ&pg=PA624
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 172: https://books.google.de/books?id=qTZDAQAAMAAJ&pg=RA1-PA172
Weblenken
[ännern | Bornkood ännern]
Badenhorst | Bockhorst | Borg Elsdörp | Borgwall | Ehsdörp | Elsdörp | Frankenbossel | Hatz | Nindörp | Poitzendörp | Rüspel | Volkens