Vasja Pirc

Vun Wikipedia
Vasja Pirc, um 1935

Vasja Pirc [[pirts]] (* 19. Dezember 1907 in Idria; † 2. Juni 1980 in Ljubljana) weer en jugoslaawsch Schachspeler un Historiker.

Leven[ännern | Bornkood ännern]

Sien eerst groot sportlich Spood stammt ut dat Johr 1929, as he in dat Turnier vun Rogaška Slatina den darten Platz mit Géza Maróczy deel (wunnen hett dormals Akiba Rubinstein vör Salo Flohr). 1936 in Novisad wunn he bi 14 Deelnehmer mit en vull Punkt Vörsprung up Petar Trifunović. 1938 hett he de Turniere in Bad Harzburg (vör Efim Bogoljubow und Georg Kieninger) un Łódź (vör Savielly Tartakower) wunnen.

Pirc nehm mit Jugoslawien an de Schacholympiaden 1931, 1935, 1937, 1950, 1952 un 1954 deel. 1950 wurr he in Dubrovnik mit sien Land Olympiasieger, 1952 in Helsinki un 1954 in Amsterdam reck de Mannschap jewiels de Sülvermedaille. In de Eenzelwertung reck Pirc 1931 in Prag dat tweetbeste Ergevnis an dat veert Brett.[1] Buterdem hett he Jugoslawien ok bi de inoffiziellen Schacholympiade 1936 in München vertreeden, wo he an dat eerst Brett dat tweetbest Ergevnis recken dee.[2] Tüschen 1935 un 1953 wurr he fief Mal jugoslaawsch Meester. 1948 hull he in en Wettkamp gegen den Ex-Weltmeester Max Euwe en Unentscheeden (5:5).

1953 kreeg he vun de FIDE Pirc den Schachgrootmeestertitel tospraaken. 1950 weer he all Internatschonaler Meester wurrn.[3]

Sien best [[historsch Elo-Tall] bedroog 2680, de he in’n September 1939 recken dee. In’n Januar un Februar 1935 leeg he up den neegenden Platz vun de Weltranglist.[4]

Nah hüm is de Pirc-Ufimzew-Verteidigung, faken ok eenfach Pirc-Verteidigung, nöömt: 1. e2–e4 d7–d6 2. d2–d4 Sg8–f6, nebst g7–g6 un Lf8–g7. In’n russischen Spraakruum is dit Anspeel nah den Meesterspeler vun dor Anatoli Ufimzew nöömt.

Enkeld Nahwiesen[ännern | Bornkood ännern]

  1. Vasja Pirc sien Ergevnisse bi Schacholympiaden up olimpbase.org (engelschh)
  2. Vasja Pirc sien Ergevnisse bi inoffiziellen Schacholympiaden up olimpbase.org (engelsch)
  3. Willy Iclicki: FIDE Golden book 1924–2002. Euroadria, Slovenia, 2002, S. 74.
  4. Vasja Pirc sien historsch Elo-Tallen up chessmetrics.com (engelsch)

Weblinks[ännern | Bornkood ännern]

Vasja Pirc. Mehr Biller, Videos oder Audiodateien to’t Thema gifft dat bi Wikimedia Commons.