Serbien un Montenegro

Vun Wikipedia
(wiederwiest vun Jugoslawien)

Serbien un Montenegro (serbokroatsch Srbija i Crna Gora) weer en Republiek, de in’n Süüdoosten vun Europa an’e Donau leeg (op den Balkan) un ut de Landsdelen Serbien un Montenegro bestünn. Nadem Montenegro sik in en Referendum för de Unafhängigkeit utspraken harr, hett sik an’n 3. Juni 2006 de Staat opdeelt un de twee Landsdelen billt sietdem egenstännige Staten.

1992 harrn sik Slowenien, Kroatien, Bosnien-Herzegowina un Makedonien (nu Noordmakedonien) ut den Staat Jugoslawien (Sozialistische Föderative Republiek Jugoslawien) lööst. De twee Deelrepubliken Serbien un Montenegro, de nu överbleven, hebbt denn de Bundsrepubliek Jugoslawien billt. An’n 4. Februar 2003 hett de Bundsrepbliek sik en nee Verfaat geven un nööm sik denn blots noch Serbien un Montenegro.

Spraken[ännern | Bornkood ännern]

Amtsspraken weren Serbokroatsch in de kroatsche un serbsche Foorm, Törksch, un in’t Kosovo ok Albaansch.

Geografie[ännern | Bornkood ännern]

Navers weren Ungarn, Rumänien, Bulgarien, Makedonien, Albanien, Bosnien-Herzegowina un Kroatien. De Hööftstadt weer Belgrad.

Städer[ännern | Bornkood ännern]