University of Illinois at Urbana-Champaign

Vun Wikipedia
Zur Navigation springen Zur Suche springen
Campus der UIUC, Main Quad un Illini Union
Alma-Mater-Statue van de UIUC

De University of Illinois at Urbana-Champaign (ok UIUC oder U of I nömmt) is en staatliche Universität in Urbana un Champaign in den US-Bundesstaat Illinois. De Campus befindt sück up de Grenz tüschen de beid Städte. De Universität wurr 1867 grünnd un hett to Tiet 41.495 inschreeven Studenten. De Hoochschool is de wichtigste Standoort van de University of Illinois un hörrt to de best staatlichen Hoochscholen in den USA, en so nömmt Public Ivy. Se is todem Liddmaat in de Association of American Universities, en Verbund van führend amerikaansch Forschungsuniversitäten. De Universität hett en eegen Flooghaben, den Willard Airport. Dat Motto van de Universität is Learning and Labor.

Bibliothek[ännern | Bornkood ännern]

To de University of Illinois at Urbana Champaign hörrt mit över 13 Millionen Böker de gröttste apenliche Universitätsbibliothek van de USA.[1] De Bibliothek hörrn 22 Millionen Eenzelstücke, över den Online-Katalog hett se jeden Dag mehr as een Million Togreep weltwiet. En Ergänzungsbau van de Bibliothek wurr ünner de Eer leggt; luut en modern Sage („urban legend“) nah, passeer dat, dormit dat öldste Experimentierfeld van de Agrarforschung, Morrow Field, bi de dat loopen Experiment all över 100 Johr düert, nich överschatt wurrd.

Forschung[ännern | Bornkood ännern]

De Universität beharbargt ünner annern dat National Center for Supercomputing Applications, NCSA. Hier wurrn bispeelswies de Mosaic-Browser, de de Grundlagen för hüüdig Browser as Mozilla Firefox un Microsoft Internet Explorer schafft hett, de Apache HTTP-Server as ok dat NCSA-Telnet schafft. In en Kooperatschoon mit IBM un de National Science Foundation wurr doran arbeit, den dormals flinksten Supercomputer van de Welt to bauen.[2] De drocht de Naam „Blue Waters“ un kann en Billiarde Bereeken pro Sekunn utführen.

In jüngerer Vergangenheit wurrn twee nee Forschungs- un Lehrinrichtungen up den Campus apen maakt: eenmal dat Siebel Center for Computer Science (2004), as ok dat Institute for Genomic Biology (2006).

As Deel van sien „Five Campus Tour“ (Harvard University, MIT, Cornell University, Carnegie-Mellon University un University of Illinois)[3] mit den Titel „Software Breakthroughs: Solving the Toughest Problems in Computer Science“ hett Bill Gates an‘n 24. Februar 2004 seggt, dat Microsoft mehr Gradueerte van de University of Illinois instellen dee as van jeder anner höhgere Billensinrichtung van de Welt.[4]

Alumnus William M. Holt, en Senior Vice-President van Intel, hett in sien Reed „R&D to Deliver Practical Results: Extending Moore's Law“[5] vör Studenten an‘n 27. September 2007 ebenfalls verklort, dat Intel mehr Doktoranden van de University of Illinois instellt, as van jeder anner US-Universität.

Ok de Elektrotechnische Fakultät hett as Gebortsoort van de eerst luchtemitterenden Diode (LED) en weltwiet gooden Roop. De Halfleitertechnik wurr hier in den 1950er un 1960er Johren besünners intensiv erforscht, un mehrere Nobelpriesdräger weern un sünd in Lehre un Forschung an de UIUC tätig.

2007 wurr dat van de Universität bedreeven Forschungsinstitut Institute for Condensed Matter Theory (ICMT) apen maakt, dat as Direkter Paul Mark Goldbart un als leidend Forscher Anthony James Leggett vörstahn. Dat ICMT ist o Tiet in dat Engineering Science Building up den Campus ünnerbrocht.

Sport[ännern | Bornkood ännern]

De Sportteams van de UIUC sünd de Fighting Illini. De Hoochschool is Liddmaat van de Big 10 Conference.

Rankings[ännern | Bornkood ännern]

Nah de internatschonalen Rangfolg („ranking“) van dat „Institute of Higher Education“ van de Shanghai Jiao Tong University nimmt de University of Illinois in de List van de best Universitäten van de Welt den 26. Platz in. Academic Ranking of World Universities 2007 van’n 31. Juli 2007, afropen an’n 21. November 2019, Institute of Higher Education, Shanghai Jiao Tong University</ref> Nah de „Academic Ranking of World Universities by Broad Subject Fields“, dat 2008 ebenfalls van dat Institute of Higher Education dörführt wurr, gellt Illinois in de Fackrebeeden Engineering/Technology und Computer Sciences as dartbeste Universität weltwiet, achter dat Massachusetts Institute of Technology (MIT) un de Stanford University. [https://web.archive.org/web/20090423031205/http://ed.sjtu.edu.cn/ARWU-FIELD2007/ENG.htm Academic Rankings of World Universities by Broad Subject Fields – 2007 van’n 31. Juli 2007, afropen an’n 21. November 2019, Institute of Higher Education, Shanghai Jiao Tong University</ref>

Persönlichkeiten[ännern | Bornkood ännern]

Alumni van de University of Illinois hemm tallriek internatschonal bekannt Firmen grünnd, as Netscape Communications, AMD, PayPal, Oracle Corporation, Siebel Systems, Lotus Software, YouTube un Gebäude as den Sears Tower un dat John Hancock Center entworfen.[6]

Perfessers[ännern | Bornkood ännern]

Afsolventen[ännern | Bornkood ännern]

Nobelpriesdräger[ännern | Bornkood ännern]

Literatur, Kunst, Kultur un Medien[ännern | Bornkood ännern]

Politik[ännern | Bornkood ännern]

Sport un Wettbewarfen[ännern | Bornkood ännern]

Technologie un Wetenschap[ännern | Bornkood ännern]

Wirtschaft[ännern | Bornkood ännern]

Weblinks[ännern | Bornkood ännern]

Commons-logo.svg University of Illinois at Urbana-Champaign. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. The Nation's Largest Libraries, up de Internetsiet van de American Library Association (Dezember 2006) (engl.; afropen an’n 20. November 2019)
  2. "National Science Board Approves Funds for Petascale Computing Systems". Afropen an’n 24. August 2007.
  3. [1] University of Illinois Urbana-Champaign February 24, 2004, afropen an’n 20. November 2019
  4. [2] Bill Gates Speaks to UI Students, afropen an’n 20. November 2019
  5. [3] R&D to Deliver Practical Results: Extending Moore's Law, afropen an’n 20. November 2019
  6. [ https://web.archive.org/web/20081211015814/http://publicaffairs.illinois.edu/facts/promalumni.htm Prominent Alumni, afropen an’n 21. November 2019

Koordinaten: 40° 6′ 38″ N, 88° 13′ 42″ W