Zum Inhalt springen

Cornell University

Vun Wikipedia
Dat Segel van de Universität
De juristische Bibliothek
De Westcampus
De Balch Halls

De Cornell University (kört: Cornell) is en US-amerikaansch Privatuniversität mit Hööftcampus in Ithaca, New York. Se is een van de acht Universitäten van de Ivy League un tellt de de an’n besten Ansehn Universitäten van de Welt.[1]

Geschichte un Gegenwart

[ännern | Bornkood ännern]

De Universität is 1865 van Ezra Cornell, en Geschäftsmann un Pionier van de Telekommunikatschonsindustrie, un Andrew Dickson White, en bekannt Gelehrten un Politiker, grünnd wurrn. Dat 1865 van Ezra Cornell formuleerte Motto van de Hoochschool is: „I would found an institution where any person can find instruction in any study“ („Ik wull en Institutschoon grünnen, an de jede Person jedes Fack studeeren kann“); in Körtform find sück dat in dat Wappen van de Universität.

Hüüd studeeren mehr as 20.000 Personen an de dree Hööftstandöört in Ithaca, New York City (Humanmedizin as ok Cornell Tech) un Doha (Katar). Cornell is nah Tallen en groot Liddmaat van de Ivy League un kann bit hüüd up 59 Nobelpriesdräger ünner de Studenten un Fakultätsangehörigen verwiesen. De Universität snitt in verscheeden Rankings regelmatig ünner de best 15 van de Welt af. Dat QS Ranking listet se 2018 up Platz 14 weltwiet.[2] De Aufnahmequote för den Afsolventenjohrgang 2022 liggt bi 10,3 %.

De Cornell University is Liddmaat in de Association of American Universities, en siet 1900 bestahn Verbund van führend forschungsintensiver noordamerikaansch Universitäten un hett Gaststatus in de Euroleague for Life Sciences.

In‘n Dezember 2011 wurrn Plääns för en groot Gradueertenschool van Technion un Cornell University an‘n Standoort New York bekannt maakt: Up Roosevelt Island sall mit Investitschonen van 2 Milliarden US-Dollar up dat bitherig Gelände van dat Goldwater Memorial Hospital en nee Campus van de New York City Tec entstahn. Private Spenden hemm düchtig to dat Finanzeeren bidragen. Bispeelswies hemm Charles Feeney $350 Millionen Dollar un de Bloomberg Foundation $100 Millionen Dollar bistüürt.[3] Neben den Swoorpunkt up Ingenieursstudiengänge wurrn ok Afslüsse van de Business School (MBA) un de Law School (LL.M.) in New York City anboden. To dat Harvstsemester 2017 wurr de reguläre Lehrbedriev van dat Cornell Tech upnommen.

Organisatschoon

[ännern | Bornkood ännern]

Undergraduate Colleges un Schools

[ännern | Bornkood ännern]
  • Architektur, Kunst un Planung
  • Hotelverwaltung
  • Human Ecology
  • Industrie- un Arbeitsbetrecken
  • Ingenieurwetenschapen
  • Künste un Wetenschapen
  • Landwertschap un Life Sciences

Graduate Colleges un Schools

[ännern | Bornkood ännern]
  • Medizin (Weill Medical College of Cornell University in New York City gelegen)
  • Medizin (up den Campus in Katar)
  • Medizinwetenschapen (Weill Graduate School of Medical Sciences)
  • Rechtswetenschapen (Hööftcampus Ithaca (J.D. as ok LL.M.); Cornell Tech in New York City (LL.M.))
  • Deertenmedizin
  • Wertschapswetenschapen (Samuel Curtis Johnson Graduate School of Management)
  • Graduate School
  • School of Civil and Environmental Engineering

Anner Inrichtungen

[ännern | Bornkood ännern]
  • Dat 1915 grünnd Cornell Lab of Ornithology is es internatschonal bekannt Non-Profit-Inrichtung van de ornithologischen Forschung un den Vagelschuul mit völ över Noordamerika verdeelt Webcams to dat Beobachten van Vagels un 78.000 registreert Ünnerstütter.[4] Mit dat Labor verbunnen is de Macaulay Library (Macaulay-Bibliothek).
  • De Cornell-Elektron-Positron-Spieker-Ring (CESR) up den Campus is en Elektron-Positron-Collider mit de Cornell High Energy Synchrotron Source (CHESS) as Energieborn un de Strahlenbuugensvörrichtung MacCHESS (Macromolecular Diffraction Facility at CHESS).
  • De Samuel Curtis Johnson School gifft dat Blatt (Tietschrift|Blatt]] Administrative Science Quarterly herut, dat nah Ilídio Barreto (2010) to de acht internatschonal führend Management-Tietschriften hörrt („Basket of Eight“ van de Management-Journals).
  • In den Film Dirty Dancing hett de Söhn van den Hotel-Resort-Eegendömer, bi den de Familie den Sömmer verbringt, an de Cornell Hotel School studeert. Se rangeert in dat entspreekend weltwiet Ranking up den eersten Platz, up den Campus befinnd sück dat Fief-Steerns-Statler Hotel, dat van de Hotelschölern bedreeven wurrd.
  • 2015 wurr an de Cornell dat Carl-Sagan-Institute - Pale Blue Dot and Beyond grünnd, de öösterrieksch Astronomin und Astrophysikerin Lisa Kaltenegger is de Baas dorvan.[5]

Sport

[ännern | Bornkood ännern]

De Sportteams van Cornell sünd de Big Red. De Cornell University is Liddmaat in de Ivy League.

Persönlichkeiten

[ännern | Bornkood ännern]

Sonstiges

[ännern | Bornkood ännern]

De Cornell University is de Schauplatz van den Roman Fool on the Hill van Matt Ruff. Todem wurr de Film Der Volltreffer ünner annern up den Campus van de Cornell University dreiht. De Cornell Plantations, en botanisch Gorden, hörrn de Cornell University un liggen up dat Rebeet van de Town of Ithaca.

De Cornell University hett landswiet de meest Fraternities.

De Asteroid (8250) Cornell wurr nah de Universität nöömt.

[ännern | Bornkood ännern]
Cornell University. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

[ännern | Bornkood ännern]
  1. ↑ In dat Shanghai-Ranking 2018 reck de Cornell University den Platz 12 weltwiet un in‘n QS World University Rankings 2019 den Platz 14 weltwiet.
  2. ↑ https://www.topuniversities.com/university-rankings/world-university-rankings/2018
  3. ↑ https://www.nytimes.com/2015/06/16/nyregion/bloomberg-philanthropies-gives-100-million-to-cornell-tech.html
  4. ↑ birds.cornell.edu
  5. ↑ carlsaganinstitute.org: "Introducing: Carl Sagan Institute: Pale Blue Dot and Beyond" (30. Juni 2018)

Koordinaten: 42° 26′ 56″ N, 76° 28′ 43″ W

Vun „https://nds.wikipedia.org/w/index.php?title=Cornell_University&oldid=955136“