Mary Elizabeth Mastrantonio
Mary Elizabeth Mastrantonio (* 17. November 1958 in Lombard, Illinois) is en US-amerikaansche Schauspelersche un Singersche.
Leven un Wark
[ännern | Bornkood ännern]Mastrantonio is in Oak Park, Illinois, as Dochter vun italieensche Inwannerers opwossen. Mit de Schauspeleree füng se al as junge Deern bi’t Schooltheater an. Se hett ehrn Afsluss an de Oak Park River Forest High School maatk un dorna de University of Illinois besöcht, woneem se grötter’t Intresse an de Schauspeleree funnen hett.
As se na’t Studium na New York City togen weer, hett se 1981 in de West Side Story mitspeelt un hett later ok Filmrullen övernahmen. Ehr eerste lütte Filmrull harr se 1983 an de Siet vun Robert De Niro un Jerry Lewis in de Kummedie King of Comedy vun Martin Scorsese. Ünner de Regi vun Brian De Palma speel se in den Film Scarface mit un weer in ehr wietere Loopbahn an vele bekannte Filmwarken bedeeligt. Mit Filmen as The Abyss (1989) un Robin Hood: Prince of Thieves (1991) is se weltwiet bekannt worrn.
Bi de Dreiarbeiten vun den Film The January Man (1989)hett se sik in den Speelbaas Pat O’Connor verkeken. Se hebbt 1990 heiraat un tosamen twee Kinner.
Mastrantonio, de blots 1,63 m groot is, kiekt bi de Utwahl vun ehr Rullen dorna, dat se ehr Spaaß maken doot, un weniger dorna, dat se dormit veel Acht op sik tütt. Se lett sik twüschendör ok jümmer mol Tiet för ehr Familie, mit de se in London leven deit.
Blangen de Schauspeleree is se ok as Cabaret-Singersche bekannt, wat se to’n Bispeel in den Film Limbo (1999) wiesen künn. 2003 weer se vör den Tony Award nomineert för ehr Dorstellen vun Aldonza/Dulcinea in de Wedderopföhren vun Man of La Mancha.
Filmografie (Utwahl)
[ännern | Bornkood ännern]| Johr | Titel | Synchroonsnacker |
|---|---|---|
| 1983 | Scarface | Cornelia Meinhardt |
| 1986 | The Color of Money dt.: Die Farbe des Geldes |
Katja Nottke |
| 1987 | Slam Dance | Cornelia Meinhardt |
| 1989 | The January Man dt.: Im Zeichen der Jungfrau |
Katja Nottke |
| 1989 | The Abyss dt.: Abyss – Abgrund des todes |
Viktoria Brams |
| 1990 | Fools of Fortune dt.: Die Narren des Schicksals |
|
| 1991 | Class Action dt.: Das Gesetz der Macht |
Katja Nottke |
| 1991 | Robin Hood: Prince of Thieves dt.: Robin Hood: König der Diebe |
Katja Nottke |
| 1992 | White Sands dt.: White Sands – Der große Deal |
|
| 1992 | Consenting Adults dt.: Gewagtes Spiel |
Karin Buchholz |
| 1995 | Three Wishes dt.: Das Geheimnis der drei Wünsche |
Marietta Meade |
| 1999 | Limbo dt.: Wenn der Nebel sich lichtet – Limbo |
Katharina Koschny |
| 2000 | The Perfect Storm dt.: Der Sturm |
Katharina Koschny |
| 2004 | The Brooke Ellison Story, Feernsehn | |
| 2010 | Law & Order: Criminal Intent, Feernsehreeg dt.: Criminal Intent – Verbrechen im Visier |
Katharina Koschny |
| 2013-14 | Hostages, Feernseh-Minireeg | Katharina Koschny |
| 2015-16 | Limitless, Feernsehreeg | Katharina Koschny |
Utteken
[ännern | Bornkood ännern]Mastrantonio is för ehr Filmwark bit hüüt (April 2015) acht mol för bekannte Filmpriesen vörslahn wesen, dorünner 1987 eenmol för den Oscar as Best Nevendorstellerin för ehr Rull in The Color of Money. Wunnen hett se twee Priesen:
- 1986: den NYFCC Award (3. Platz) in de Kategorie Best Nevendorstellerin för The Color of Money
- 2005: den Gracie Award in de Kategorie Rutragen Hööftdorstellersche in en Drama för The Brooke Ellison Story
Weblenken
[ännern | Bornkood ännern]- Mary Elizabeth Mastrantonio in de Internet Movie Database (engelsch)