Theodor Waigel

Vun Wikipedia
Theo Waigel, 2012

Theodor „Theo“ Waigel (* 22. April 1939 in Oberrohr, Gemeend Ursberg) is en düütsch Politiker (CSU). He weer van 1989 bit 1998 Bundsfinanzminister un van 1988 bit 1999 CSU-Vörsitter.

Theo Waigel wurr up de Parteidag an' 18. Juli 2009 to'n Ehrenvörsitter vun de CSU wählt.

Leven un Berop[ännern | Bornkood ännern]

Waigel wurr 1939 as Söhn vun en Mürkerpolier un Nebenerwerbsbuer in Oberrohr bi Krumbach boren. Nah dat Abitur an dat Simpert-Kraemer-Gymnasium in dat schwäbisch Krumbach nehm Waigel 1959 en Studium vun de Rechts- un Staatswetenschapen in München un later in Würzborg up, dat he 1963 mit dat eerste juristisch Staatsexamen afsluuten dee. 1967 folg dat tweete Staatsexamen as ok sien Promotschoon to'n Dr. iur. mit de Arbeit Die verfassungsmäßige Ordnung der deutschen insbesondere der bayerischen Landwirtschaft. Nah en Tätigkeit as Gerichtsassessor bi de Staatsanwaltschap bi dat Landgericht München I wessel Waigel 1969 as Persönlicher Referent vun den Staatssekretär in dat Bayerisch Staatsministerium vun de Finanzen. Van 1970 bit 1972 nehm he de glieker Funktschoon bi den Bayerischen Staatsminister för Wertschap un Verkehr wohr.

Theo Waigel (rechts) mit Erwin Huber, 1989

Nah sien politisch Tätigkeit is Waigel ünner annern to de Düütsch Vermögensberatung AG (DVAG) as ok to de EnBW wesselt[1] as Liddmaat vun den Biraat. Wiederhen is he braadend för de Risikokapitalsellschopp Texas Pacific Group[2] as ok de PR-Beratung Brunswick Group[3] tätig. Van 1999 bit 2002, also noch wiels sien Tite as Bundsdagsafordneter, harr he en Beraderverdrag mit den Medienünnernehmer Leo Kirch.[4]

In dat sössdeeligen Feernsehspeel Die Affäre Semmeling vun Dieter Wedel hett he in sien Funktschoon as Bundsfinanzminister twee kört Uptreden.

Siet 2005[5] is he dorto Vörsitter vun den Upsichtsraat vun den Geldspeelautomaten-Hersteller Löwen Entertainment vörmals NSM-Löwen Entertainment GmbH.[6]

In' Updrag vun de US-Justizbehörden wurr Waigel in' Januar 2009 Anti-Korruptschoons-Beupdragter (Compliance Monitor) bi den Technologiekonzern Siemens.[7] In disse Funktschoon bericht he ünner annern dat Justizministerium vun de USA un de US-amerikaansch Börsenupsicht SEC.[8]. Disse Upgaav hett he intüschen nich mehr.

Waigel is kathoolsch. In eerste Ehe weer he van 1966 bit 1993 mit de Diplom-Volkswertin Karin Waigel verheiraad, mit de he twee Kinner hett. In tweete Ehe is he siet 1994 mit de ehmalge Skirennlöperin Irene Epple-Waigel verheiraadt un hett mit hör een Kind.

Waigel is as Afkaat in de glieker Münchner Kanzlei as sien Söhn Christian Waigel as so nömmt Of Counsel tätig.[9] Sien Söhn Christian is buterdem Honorarkonsul vun dat Förstendom Liechtensteen.

Theo Waigel bi en F. J. Strauß-Utstellung in de Bayerisch Landsvertreden in Bonn, 1990

Partei[ännern | Bornkood ännern]

Waigel is siet 1960 Liddmaat vun de CSU. Van 1971 bit 1975 weer he Landsvörsitter vun de Junge Union in Bayern. Van 1973 bit 1988 weer he buterdem Vörsitter vun de Grundsatzkommission vun de CSU. He weer van 1970 an Liddmaat in' CSU-Landsvörstand as ok siet 1983 in dat Präsidium vun de CSU. 1987/88 weer Waigel CSU-Bezirksvörsitter vun Schwaben. Van November 1988 bit Januar 1999 weer Waigel denn Vörsitter vun de CSU. Nahdem de CSU bi de Bundsdagswahl 1998 47,7 % vun de Stimmen ut Bayern kreeg un dormit ünner dat Wahlteel vun 50+x bleev, wurr de dormalige bayerische Ministerpräsident Edmund Stoiber sien Nahfolger as Parteivörsitter.

An' 4. April 2009 wurr Waigel in' Henblick up sien Verdeensten för Düütschland un Europa vun den CSU-Vörstand to'n tweeten Ehrenvörsitter neben Edmund Stoiber vörslahn un[10] up den Parteidag an' 18. Juli 2009 to'n Ehrenvörsitter vun de CSU wählt.

Afordneter[ännern | Bornkood ännern]

Van 1966 bit 1972 weer Waigel Liddmaat in' Kreisdag vun Krumbach, van 1972 bit 2002 Liddmaat vun den Düütschen Bundsdag. Dor weer he van 1978 bit 1980 Obmann vun de CDU/CSU-Bundsdagsfraktschoon in den Utschuss för Wertschap. Van Dezember 1980 bit Oktober 1982 weer he Vörsitter vun de Arbeitsgrupp Wertschap as ok wertschapspolitisch Spreker vun de CDU/CSU-Bundsdagsfraktschoon. In' Oktober 1982 wurr he to'n Vörsitter vun de CSU-Landesgrupp in' Düütschen Bundsdag un dormit to glieker Tiet to'n Eersten Stellvertreden Vörsitter vun de CDU/CSU-Bundsdagsfraktschoon wählt. In' April 1989 hett he disse Ämter daalleggt. Waigel weer toletzt mit 54,8 % vun de Stimmen direkt wählt Afordneter vun den Bundsdagswahlkreis Neu-Ulm.

Apenlich Ämter[ännern | Bornkood ännern]

Theo Waigel bi en Reed in' Bayerischen Landdag (2009)

In' Tosommanhang mit en Kabinettsümbillen wurr he an' 21. April 1989 in de vn Bundskanzler Helmut Kohl führt Bundsregeeren in dat Amt vun den Bundsminister för Finanzen beropen, in dat he för dat Utverhanneln un Dörführen vun de Währungs-, Wertschaps- un Sozialunion verantwortlich weer. Nah de Bundsdagswahl 1998 is he an' 26. Oktober 1998 ut de Bundsregeeren utscheeden.

De Beteken „Euro“ för de gemeensame europääsche Währung geiht up en vun Waigel in' Dezember 1995 in' Europääsch Raat inbrochten Vöörslag torüch, so dat he faken ok as „Namensgeber für den Euro“[11] betekent wurrd.

Utteknungen[ännern | Bornkood ännern]

Waigel kreeg ünner annern ok noch folgend Utteknungen: Groo Bundsverdeenstkrüüz (1984), mit Steern (1988) un Schullerband (1996), Bayerisch Verdeenstorden, Ehrendoktertitel vun de University of South Carolina un Kommandeur vun de franzöösch Ehrenlegion.[14]

Weblenken[ännern | Bornkood ännern]

Theo Waigel. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. http://www.handelsblatt.com/unternehmen/management/koepfe/ex-staatssekretaer-ohne-beruehrungsaengste-rezzo-schlauch-beraet-enbw/2628416.html, Rezzo Schlauch berät EnBW, Martin-W. Buchenau, Handelsblatt, van' 15. März 2006 afropen an' 29. November 2013
  2. http://www.cicero.de/kapital/die-helfer-der-heuschrecken/38163, Die Helfer der Heuschrecken, Detlef Gürtler, Cicero, van' 23. Juli 2007, afropen an' 29. November 2013
  3. http://www.netzeitung.de/medien/360460.html, Waigels neue Kollegin: Meckel wird Beraterin, netzeitung.de, van' 29. September 2005, afropen an' 29. November 2013
  4. http://www.spiegel.de/spiegel/print/d-26856168.html, Kirchs Rentenkasse, Marcel Rosenbach, Spiegel Online, van' 14. April 2003, afropen an' 29. November 2013
  5. Former Federal AccessLibrary-Meldung: Finance Minister Dr. Theo Waigel is the new Chairman of the board of directors at NSM-Lowen
  6. Websteed Löwen-Entertainment: Impressum, afropen an' 9. April 2009
  7. Marc Beise, Thomas Fromm, K. Ott: Theo Waigel kontrolliert Siemens – „Nicht mehr in Knechtschaft“; Interview mit Theo Waigel, Süddeutsche Zeitung, 17. Mai 2010. Geldstrafen in den USA und Deutschland: Waigel überwacht Siemens; Süddeutsche Zeitung, 17. Mai 2010
  8. Einigung mit Behörden: Siemens beendet Schmiergeldaffäre mit Milliardenbuße; Spiegel-Online, 15. Dezember 2008; afropen an' 29. November 2013.
  9. http://www.gsk.de/Dr.-Theo%20-Waigel.427.0.html?tx_ivpeopledb_pi1%5Buid%5D=36, Dr. Theo Waigel, GSK Stockmann + Kollegen, afropen an' 22. März 2012}}
  10. Informationen bezüglich des Ehrenvorsitzes an Theo Waigel auf den Seiten des Bayerischen Rundfunks; funnen an' 4. April 2009, 12:01 Uhr MESZ.
  11. Mainhardt Graf Nayhauß (Hrsg.): Größenwahn und Politik; Köln: Ed. Lingenstiftung, 2012; ISBN 978-3-941118-95-9; S. 29
  12. De Verleehn vun de Utteknung an Theo Waigel (pdf-Datei; 200 kB)
  13. http://www.nabu.de/aktionenundprojekte/dinodesjahres/, Dinosaurier des Jahres, NABU, afropen an' 23. Februar 2013
  14. http://www.econ-referenten.de/redner/dr-theo-waigel-bundesfinanzminister-ad, Dr. Theo Waigel, Econ Referenten Agentur, afropen an' 23. Februar 2013