Rolf Dahlgrün

Vun Wikipedia

Rolf Dahlgrün (* 19. Mai 1908 in Hannober; † 19. Dezember 1969 in Horborg) weer en düütsch Politiker un Bundsminister vun de FDP. He weer van 1962 bit 1966 Bundsminister för Finanzen.

Utbilden un Berop[ännern | Bornkood ännern]

Nah sien Abitur 1928 hett Dahlgrün Juristeree studeert, 1931 dat eerste un 1935 dat tweete juristisch Staatsexamen makt. He weer denn eerst Assessor bi de Gaujägermeester in Hannober un siet 1936 in leedend Positschon in de Rechtsafdeelen vun de Phoenix Gummiwerke AG in Hamborg-Harborg. 1937 hett he sien Doktertitel mit de Arbeit Die Jagdwilderei nach § 292 RStGB. in der Fassung des Gesetzes vom 28. Juni 1935. Kört för sein Dood wurr he 1969 to’n Vörsitter vun de Düütsch Fördervereen vun de World Wildlife Fund wählt.

Nah Rolf Dahlgrün wurr de Dahlgrünring in Hamborg-Willemsborg nömmt.

Partei[ännern | Bornkood ännern]

Dahlgrün weer bit 1945 Lidmaat vun de NSDAP. Siet 1949 weer he Lidmaat vun de FDP.

Afordnter[ännern | Bornkood ännern]

Van 1953 bit 1957 weer he Lidmaat vun de Hamborgsche Bögerschap; siet 1954 weer he Vörsitter vun de Huusholtutschuss.

Van 1957 bit 1969 weer he denn in de Düütsch Bundsdag. He is immer över de Landslist vun sien Partei in de Bundsdag wählt wurrn. Van 1961 an bit he Bundsfinanzminster wurr, weer he Vörsitter vun de Wertschapsutschuss in’ Bundsdag. He hett tosommen mit Gerhard Jahn den Düütschen Bundsdag in dat Klageverfohren vun dat Land Noordrhien-Westfalen tegen dat Gesetz über das Kreditwesen vör de Bundsverfatengericht vertreden.

Apenlich Ämter[ännern | Bornkood ännern]

An’ 13. Dezember 1962 wurr he Bundsfinanzminister in dat Kabinett ünner Konrad Adenauer. Dit Amt hett he nahderhenn ok ünner Bundskanzler Ludwig Erhard utövt. Nahdem de Koalitschoon scheitert weer is he tosommen mit de anner FDP-Ministers an’ 28.10.1966 torüchtreden.