Manfred Lahnstein

Vun Wikipedia
Wesseln na: Navigatschoon, Söök
Manfred Lahnstein 1983 up en Pressekonferenz

Manfred Lahnstein (* 20. Dezember 1937 in Erkrath) is en düütsch Politiker (SPD), Manager un Ünnernehmensberader. He weer 1982 Bundsfinanzminister un Wertschapsminister un bit 2004 för Bertelsmann tätig.

Leven[ännern | Bornkood ännern]

As Söhn vun en Landdokter in Erkrath is Manfred Lahnstein mit dree Geschwister upwussen. Sien Vader is storven, as he acht Johr olt weer. Nah den Besöök vun de Volksschool in Erkrath hett he 1957 sien Abitur an dat neespraaklich Gymnasium in Düsseldörp-Gerresheim makt un dornah hett he en Studium vun de Wertschaps- un Sozialwetenschapen an de Universität Köln anfungen, dat he 1961 als Diplom-Volksweert afslooten hett.

Manfred Lahnstein is siet 1959 Liddmaat vun de SPD. Sien Karriere fung 1961 bit 1964 an as Jugendbildungsreferent bi Arbeit und Lernen in' DGB-Landsbezirk Nordrhien-Westfalen. 1964 wurr he stellvertreden Börgermeester vun Erkrath. Parallel weer he af 1961 Sekretär bi den Europäischen Gewerkschapsbund, tonächst in Düsseldörp un af 1965 in Brüssel as düütsch Vertreder vun den DGB in' Toständigkeitsberiek Wertschap.

1967 wurr Lahnstein Liddmaat vun den Staff vun EG-Viezpräsident Wilhelm Haferkamp bi de EG-Kommission, den he af 1971 bit 1973 as Kabinettschef bi Siet stunn.

As Afdeelensleiter Wertschap un Ministerialdirekter in dat Bundskanzleramt ünner Bundskanzler Willy Brandt is he 1973 nah Bonn wesselt. Van 1974 bit 1977 övernehm Lahnstein de Leitung vun de Afdeelen Grundsatzfragen in't Bundsfinanzministerium ünner Hans Apel.

Lahnstein wurr in' Mai 1977 to'n Staatssekretär för Geld, Kredit, Internatschonale Finanzen un Europa in't Bundsministerium för Finanzen un nah de Bundsdagswahl 1980 an' 1. Dezember 1980 to'n Chef vun dat Bundskanzleramt nömmt.

An' 28. April 1982 wurr he in' Rahmen vun en Kabinettsumbillen to'n Finanzminster in de vun Bundskanzler Helmut Schmidt führt Bundsregeeren nömmt. Nah den Bröök vun de sozialliberal Koalitschoon weer he tosätzlich af den 17. September 1982 noch Leiter vun dat Wertschapsministerium. Nah de Wahl vun Helmut Kohl to'n Bundskanzler is Lahnstein an' 4. Oktober 1982 ut de Bundsregeeren utscheeden.

Lahnstein weer vun Beginn vun de 10. Wahlperiood bit to sien Mandatsdaalleggen an' 31. August 1983 weer he för en körten Tiet Liddmaat vun den Düütschen Bundsdag. He weer över de Landeslist Nordrhien-Westfalen in den Bundsdag intrucken.

1983 wurr Manfred Lahnstein vun de Bertelsmann AG in Gütersloh ut den Bundsdag afwurben. Bi Bertelsmann weer he tonächst in' Vörstand verantwortlich för den Beriek Nee Medien un wessel 1994 as Liddmaat in den Upsichtsraat. Van 1998 bit 2004 weer he för den Bertelsmann-Konzern as Sonderbeupdragter vun den Vörstand tätig.

Siet 1986 lehrt he as Perfesser för Wertschapswetenschapen an dat Institut för Kultur- un Medienmanagement vun de Hoochschool för Musik un Theater Hamborg.

Siet 1994 leit he vun Hamborg ut de Ünnernehmensberatung Lahnstein & Partner, International Consultants. In' Februar 2009 wurr he in den Upsichtsraat vun de in London ansässig Investmentsellschop Berger Lahnstein Middelhoff & Partners LLP beroopen.

Manfred Lahnstein is Berader vun den saudischen Mischkonzern Olayan Group un de Investmentbank Rothschild.

Sellschoplich Aktivitäten[ännern | Bornkood ännern]

Siet 1967 is he Liddmaat vun de Düütsch-Israeelsch Sellschop. Dor övernehm he Anfang vun den 1990er Johren dat Amt vun den Schatzmeester. Van 1994 bit 2006 weer he deren Präsident.

Van 1993 bit 2005 weer Lahnstein Liddmaat vun de Trilaterale Kommission.

Siet 1996 is he Vörsitter vun dat Kuratorium vun de Zeit-Stiften. He sett sück in för de Hamborgsche Staatsoper, de Hoochschool för Musik un Theater Hamborg, de Bucerius Law School un besünners för de Autorentheaterdaag, en Theaterfestival in' Norden vun Düütschland.

He is siet 2001 as eerst Düütsche un Nich-Jööd Vörsitter in den Upsichtsraat vun de Universität Haifa („Chairman of the Board of Governors“), dessen „Governor“ he all siet 1996 weer.

He is Kuratoriumsliddmaat vun dat Forum Tiberius.

Manfred Lahnstein is verheiraadt mit Sonja Lahnstein-Kandel. Se leven in Hamborg un hebbt een gemeensam Dochter un en Söhn ut Lahnstein sein eerst Ehe, den Finanzmanager Florian Lahnstein.[1] Sien Nichte is de Schauspelerin Miriam Lahnstein.

Ehrungen un Utteknungen[ännern | Bornkood ännern]

Neben annern Ehrungen hett he twee Ehrendokterwürden (Universität Haifa 2007 und Universität Hamborg 2008) un dat Groot Bundsverdeenstkrüüz (2007) kregen.

Schriften[ännern | Bornkood ännern]

  • Die Feuerwehr als Brandstifter, Droemer Knaur 2002
  • Mut zum Risiko, Gabler Verlag 2002
  • Massel und Chuzpe, Hoffmann & Campe 2004
  • Die gefesselte Kanzlerin, Lübbe, 2006
  • Die offene Wunde, Lübbe Bastei, 2007


Weblenken[ännern | Bornkood ännern]

Commons-logo.svg Manfred Lahnstein. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Florian Lahnstein