Strukturgericht Veern
Dat Strukturgericht Veern weer en königlich Gericht un Verwaltungsrebeed in Bremen-Veern un in dat Königriek Hannover mit Seet op’n Strukturhoff in Veern binnen de Landdrostie Stood. Dor hebbt blots de Öörd Stemmen un Wittloh un de Hoff Grafel tohöört. Ok enkelte Hüüs in de Süderstadt Veern hebbt dor tohöört.
Geografie
[ännern | Bornkood ännern]Dat Strukturgericht is in’n Oosten an dat Amt Rethen grenzt un in’n Süden, Westen un Noorden an dat Amt Veern (Stand 1848).
Historie
[ännern | Bornkood ännern]Dat Strukturgericht is 1648 ut dat Rebeed von dat Gericht Wittloh billt worrn. De Gerichtsborkeit harr bet 1648 dat Doomkapittel von’n Bremer Doom. Na de Säkularisatschoon un nadem de Hartogdömer Bremen un Veern an Sweden fullen sünd, hett Königin Christina 1651 dat Gericht an ehre Lievdokters Hermann Cleberfeld un Grégoire François Du Rietz schenkt.[1] Nadem Du Rietz sien Andeel trügggeven hett, hett dat kumplett Cleberfeld tohöört.[1] Later is dat an de Familie Gerstenberg kamen (Hinrich von Gerstenberg weer en Swegersöhn von Cleberfeld).[1] Mit de Grote Redukschoon 1680 hett de sweedsche Kroon dat Gericht aver wedder intagen.[1] Dat Leid hett denn de Struktuar Hinrich Rehboom hatt.[1] Na em hebbt dat bet 1849 jümmer de Struktuars in Veern hatt.
1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Wersermünnen un direkt to Frankriek. De Öörd von dat Gericht legen in disse Tied in de Mairie Kerklinneln in’n Kanton Veern. 1813 müssen de Franzosen dat Rebeed denn opgeven un de ole Stand is wedderkamen.
1848 weer dat Gericht so 7,54 km²[2] groot.
1849 is dat Strukturgericht Veern Deel von dat Amt Veern worrn. De Hüüs in Veern, de to dat Gericht tohöört harrn, sünd an de Stadt Veern fullen.
Öörd Stand 1848[2]
[ännern | Bornkood ännern]| Oort | Lüüd | Hüüs | Aard | Status | |
|---|---|---|---|---|---|
| 1 | Stemmen | 123 | 20 | Dörp | Gemeen |
| Grafel | 10 | 1 | Hoff | ||
| 2 | Wittloh | 141 | 19 | Dörp | Gemeen |
Inwahnertall
[ännern | Bornkood ännern]| Johr | Inwahners |
|---|---|
| 1810[3] | 240 Lüüd, 25 Füürsteden |
| 1823[4] | 697 Lüüd, 113 Hüüs |
| 1848[2] | 274 Lüüd, 40 Hüüs |
Verwalters
[ännern | Bornkood ännern]Cleberfeldsche Verwalters[5]:
- Hinrich von Gerstenberg
- 1673–1680: Johann Heinrich Thron
Struktuar[6]:
- na 1645–1651: Hinrich von Berth
- 1651–1654: Andreas von Mandelslo
- 1654–1671: Johann von Hasseln
- 1672–1704: Daniel Sarnighausen
- 1704–1708: Hinrich Rehboom
- 1708–1716: Johann Burmeister
- 1716–1720: Johann Hinrich Mojer
- 1720–1724: Christoph Röhry
- 1724–1772: Caspar Friedrich Renner
- 1801–25. Januar 1803: Anton Georg von Spilcker
- ~1830: Amtsassesser Carl Heinrich Ludewig Erxleben; C. F. Müller, Strukturv.
- ~1840/1848: Regerungsraad Öhlrich; C. F. Müller, Strukturv.
Footnoten
[ännern | Bornkood ännern]- ↑ a b c d e Johann Hinrich Pratje: Vermischte historische Sammlungen. 1845, Sied 23
- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 155: http://books.google.de/books?id=eOI-AAAAcAAJ&pg=PA155
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 138: https://books.google.de/books?id=c24IAAAAQAAJ&pg=PA138
- ↑ Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 86: https://books.google.de/books?id=Rvs-AAAAcAAJ&pg=PA86
- ↑ Zeitschrift des Historischen Vereins für Niedersachsen. Jahrgang 1854. 1856, Sied 137
- ↑ Beyträge zur Erläuterung der ältern und neuern Geschichte der Herzogthümer Bremen und Verden. 1806, Sied 54