Saoltbiärgen

Vun Wikipedia
Zur Navigation springen Zur Suche springen
Wapen/Flagg Koort

Wapen vun Saoltbiärgen

Saoltbiärgen
Laag vun Saoltbiärgen in Düütschland
Basisdaten
Bundesland: Neddersassen
Landreis: Iämsland
Flach: 53,3 km²
Inwahners: 7.616 (2016-11-011. November 2016)
Inwahnerdicht: 142,9 Inwahners pro km²
Hööchd: 38 m över de See
Postleettall: 48499
Vörwahl: 05976, 05971
Geograafsche Laag:
Koordinaten:52° 19′ N, 7° 21′ O
52° 19′ N, 7° 21′ O
Grenzen bi OSM: 1250150 1250150
Gemeenslötel: 03 4 54 045
UN/LOCODE: DE DZR
Öörd in de Gemeen: 4
Börgermeester: Andreas Kaiser (CDU)
Websteed: www.salzbergen.de
De Oortskärn uut de Lucht

Saoltbiärgen is en Oort in de Landkreis Iämsland in Neddersassen, direkt an de Iämse. De Gemainde tüsken Rene un Lingen hät up Haugdüütsk Salzbergen.

Geografie[ännern | Bornkood ännern]

Laoge[ännern | Bornkood ännern]

Saoltbiärgen is de süüdlikste Gemainde in't Iämsland. Se lig an de Grense to Nuordrien-Westfaolen, 20km afsiets van de nedderlänske Grense.

Naobergemainden[ännern | Bornkood ännern]

De Gemainde grenst in'n Nuorden an Büren, in'n Austen an Spelle (beide Iämsland), in'n Süden an Rene, Nienkiärken un Wiättringen in'n Kreis Stemmert un in'n Westen an Schüttrup (Graofschup Bentem).

Gemaindegliederung[ännern | Bornkood ännern]

Gemeinde Salzbergen.png
  1. Holsten-Bexten
  2. Hummeldorp
  3. Saoltbiärgen
  4. Steide

Geschicht[ännern | Bornkood ännern]

De Buerschuppen Feilbexten (falbeki) un Hummeldorp (humilthorpe) giw et minstens siet 890. Saoltbiärgen söws stait 1177 dat iärste Maol in ene Urkunne.

1807 wät Lucas Lammen in de napoleonske Tiet de iärste Maire (Büörgemester) in Saoltbiärgen. Drai Jaore läter annekteert Napoleon Nuordwestdüütskland. Saoltbiärgen häöert to dat Départment Lippe. Daorum müët auk saoltbiärgenske Suldaoten in dän Krieg. 11 Manslüde fallen in Spaningen un Rusland. Saoltbiärgen, dat siet dat 13. Jaorhunnert to dat Haugstift Mönster häöert, föllt nao de Fransenstiet an Hannüöwer.

De Winter 1844/45 lait dat Vee daudhüngern und vöfraisen un dat Ies bleew bes Paosken uppe Iämse. Daorüm sint in düsse Tiet besunners viële Lüde nao Amerika uutwannert. 1856 is de Iesenbaanlinning Mönster-Rene Emden färrigwuorden. För de Innustritiet was de een Jaor läter färrigwuordene Baanhow een Siängen. In 1860 wüör de Raffinerie grünt. Se is vandage de ölste nao arbeidende Raffinerie van de Wiält. 1856 is de Isenbaanlinnning Saoltbiärgen-Almelo färrigwuorden.

In'n iärsten Wiältkrieg kuëmt 96 saoltbiärgenske Suldaoten üm. In'n tweden Wiältkrieg stiäwt 200 Suldaoten. Een swaore Luchtangriëp an'n 6. Mäten 1945 vöstüwerde binao dat hele Duorp. 40 Mensken stawwen bi düsse Angriëp.

Poltik[ännern | Bornkood ännern]

Stadraod[ännern | Bornkood ännern]

De Büörgermester Andreas Kaiser (CDU) un 20 Raodshäern un -fraulüde sitten in de Stadraod.

De Stadraod van 2016 bes 2021:

Woppen[ännern | Bornkood ännern]

De witte Draibiärg stait för dat Solt, dat se vüör lange Tiet in Saoltbiärgen funnen häbt. De blaoe Wellenbalken stait för de Iämse un de drai gülengiäle Drüöpen staot för de Üölgevöarbaidung.

Partnerstad[ännern | Bornkood ännern]

  • Krzanowice PolenPolen Polen (siet Mai 2006)

Kultuur un Siänswördigkeiten[ännern | Bornkood ännern]

De St.Cyriakus-Kiärke

Füerwiärmuseum[ännern | Bornkood ännern]

In'n üöwer 800m² graute Museum kan enen sik üöwer de leste 300 Jaore van de Füerwiär klook maken. Dat Füerwiärmuseum stelt siet 1993 mannige Uutstellungsstücke uut de hele Wiält uut. Anfangen bi Liäderemmers un Handdrüksprütsen af 1806 üöwer Uniforms un Aftekens bes to de Füerwiäraudos uut het 20. Jaorhunnert. Dat ölste Füerwiäraudo is een Ford T van 1923. Een besunners Uutstellungsstük is de Dampsprütse van 1901. Se is ene van blaus veer Dampsprütsen in Düütskland, de enen nao bruken draw.

Kiärke[ännern | Bornkood ännern]

De St.Cyriakus-Kiärke is een nigootske katolske Kiärke. Se wüör van 1897-1903 baut, wieldat de olle Kiärke an de sölwige Stiär te klein was. In'n Mäten 1942 wüör de Taontimpen van 62m up 42m vöküört, ümdat de Flaigers van de Lannestiär in Bentlaoge bes Saoltbiärgen nich högger flaigen konnen. De Luchtangriëp an'n 6.Mäten 1945 vönailde de Kiärke. 1950 is se wier inwiet wuorden. In 2002 häw se üöre olle 62m hauge Timpen wierkreeg.

Damplok[ännern | Bornkood ännern]

De Damplok BR 043 vüör'n Baanhow

Siet dän 9. September 1978 stait Damplok 043 196-5 vüör dän Baanhow. Se was de leste uut dän Dänst nuomen Damplok van de Bunnesbaan.

Sport[ännern | Bornkood ännern]

De grötste Sportvöain is de SV Alemannia Salzbergen 1919 e.V. met üöwer 2.200 Lets met mannige Sportaorten. De iärste Häernfootbalmanschup spiëlt in de Kreisliga Iämsland. Besünners is dat alle Spiëlers auk in de egene Jöögtmanschuppen spiëlt häbt. De Vollyebaldamens spiëlt in de Landesliga. Ännere Vöaine sint de TC-Rot-Weiß-Salzbergen(Tennis), de DLRG Salzbergen of de Zucht-, Reit- und Fahrverein.

Ännere[ännern | Bornkood ännern]

  • De Wold bi dat Goot Stovern
  • Pättkes an de Iämse
  • De Keienvenn in Steide

Weblinks[ännern | Bornkood ännern]