Landraodsamt Stemmert

Vun Wikipedia
(wiederwiest vun Kreis Stemmert)
Wapen/Flagg Koort

Wapen
Flagg

Kreis Landraodsamt Stemmert
Laag vun Landraodsamt Stemmert in Düütschland
Basisdaten
Sitt: Stemmert
Bundsland: Nuordrien-Westfaolen
Flach: 1.795,76 km²
Inwahners: 448.220
Inwahnerdicht: 249,6 Inwahners pro km²
Geograafsche Laag: 52° 13′ N, 7° 35′ O
Grenzen bi OSM: 62442 62442
Kennteken: ST
Kreisslötel: 05 5 66
Gemenen in’n Kreis: 24
Landraad: Sommers Martin (aone Partei)
Websteed: www.kreis-steinfurt.de
NUTS-Code: DEA37

Dat Landraodsamt Stemmert lig in’n Nuorden van Nuordrien-Westfaolen. Et häw 448.220 Inwuëners.[1]

Geograofi[ännern | Bornkood ännern]

In’n Nuorden grenst et an dän Landkreis Groafschup Bentem un dat Emsland. In’n Ausen ligt de Landkreis Osenbrügge un de landraodsamtfrie Stad Ossenbrügge. In’n Süden grenst et an dat Landraodsamt Warnduorp, de landraodsamtfrie Stad Mönster un de Landraodsiämter Koosfeld un Borken.

De Wessen häöert to’t Mönsterland. Dat Tiäkenbüörgske Land belt dän Ausen. De högste Punkt is de Westerbecker Berg in Linen met 234 m ü NN. Dat Sluot Bentlaoge is met 32 m ü NN de leegste Punkte in’t Landraodsamt. De Iäms flait van Süüd nao Nuord düör’t Amt. De grötste Stad is Rene.

Kaat van’t Landraodsamt

24 Gemainden un Stiäden ligt in’t Landraodsamt Stemmert.

Stiäden

  1. Detten
  2. Graiwen
  3. Hüörsel
  4. Huorsmer
  5. Ippenbürn
  6. Lengerke
  7. Ochtrup
  8. Rene
  9. Stemmert
  10. Tiäkenbuorg

Gemainden

  1. Hopsten
  2. Kappeln
  3. Ladbiärgen
  4. Laor
  5. Linen
  6. Luote
  7. Maideln
  8. Mettingen
  9. Nienkiärken
  10. Nordwol
  11. Ollenbiärge
  12. Riäke
  13. Saorbiëk
  14. Wiätringen

Geschicht[ännern | Bornkood ännern]

1971 häbt Politikers anfangen üöwer een een ni Indelen van de Landraodsiämter naotodenken. 1974 wüör dat Mönster/Ham-Gesät besluoten, dat de Iämter ni indeelt. Siet dän 1. Harremaonddag 1975 gelt et. De ollen Iämter Stemmert un Tiäkenbuorg gaw et nu nich mäer. Uut dat olle Amt Mönster sint nao de Stad Graiwen un de Gemainde Saorbiëk dertokuëmen. De Sit van’t Landraodsamt is in Stemmert.

Poltik[ännern | Bornkood ännern]

Landraodsdag[ännern | Bornkood ännern]

Alle fiew Jaore maakt de Büörger üör Krüüs. An’n 13. Hiärfstmaonddag 2020 was de leste Waal.[2]

Partei Persent Sitte +/−2014
Christlich Demokratische Union Deutschlands (CDU) 39,64 26 −1
Sozialdemokratische Partei Deutschlands (SPD) 24,28 16 −4
Bündnis 90/Die Grünen (GRÜNE) 19,43 13 +6
Freie Demokratische Partei (FDP) 5,76 4 +1
Die Linke (DIE LINKE) 3,12 2 0
Unabhängige Wählergemeinschaft (UWG) 4,76 3 0
Alternative für Deutschland (AfD) 3,01 2 +2

66 Lüde sittet in’n Landraodsdag. Vüörsitter is de Landraod Sommers Martin.[3] Bes 2020 was he Let van de CDU un is nu aone Partei.[4]

Vökäer[ännern | Bornkood ännern]

De A1 in’t Tiäkenbüörgske Land

Straotenvökäer[ännern | Bornkood ännern]

Drai Audobanen laupt düör’t Amt. In’n butersten Wessen lig de A31 met twe Up-/Afgänge bi Gronau. In’n Nuorden lig de A30 van dän Ansluot Rene-Nuord bes to dat Krüüs Luote/Ossenbrügge. In’n Ossen löp de A1 bi Wäsen un Büden üöwer dat Krüüs Luote/Ossenbrügge bes nao Graiwen.

Isenbaan[ännern | Bornkood ännern]

Et giw veer Isenbaanlinnigen in’t Amt: de Linnig Amsterdam-Hannüöwer van Rene bes Luote, de Linnig Mönster-Bremen met Baanhüöwe in Kattenviën un Lengerke, de Linnig Mönster-Emden van Graiwen nao Rene un de Linnig Mönster-Äänske van Ollenbiärge bes Ochtrup.

Luchtvökäer[ännern | Bornkood ännern]

Luchthawen Mönster/Ossenbrügge in Graiwen

Enen grauten Luchthawen lig up dat Amtsgebied. De Luchthawen Mönster/Ossenbrügge lig in’n Nuordwessen van Graiwen. Dat Landraodsamt is enen van de Selschuppers

Waterstraoten[ännern | Bornkood ännern]

In Nuord-Süüd-Richt löp de Düörp’m-Iäms-Kanaol langs de Iäms. In Hüörsel twiëlt de Middellandkanaol van em af. To düsse Stiär wät auk „Natten Twiël“ sägt.

Naowise[ännern | Bornkood ännern]

  1. Einwohnerinnen und Einwohner. In: kreis-steinfurt.de. Afropen an’n 23. März 2021.
  2. Kreistagswahl - Kommunalwahlen 2020 im Kreis Steinfurt - Gesamtergebnis up wahlen.citeq.de, afropt an’n 6. Kristmaonddag 2021 (haugdüütsk)
  3. Landrat up: kreis-steinfurt.de, afropt an’n 6. Kristmaonddag 2021 (haugdüütsk)
  4. Sommer kandidiert doch als Landrat up: radiorst.de. 15. Maimaonddag 2020, afropt an’n 6. Kristmaonddag 2021 (haugdüütsk)

Weblenken[ännern | Bornkood ännern]

Landraodsamt Stemmert. Mehr Biller, Videos oder Audiodateien to’t Thema gifft dat bi Wikimedia Commons.