Detten (Kreis Stemmert)

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Detten

Detten
Laag vun Detten in Düütschland
Basisdaten
Bundesland: Noordrhien-Westfalen
Regerungsbezirk: Mönster
Kreis: Stemmert
Flach: 72,06 km²
Inwahners: 36.320 (2015-12-3131. Dezember 2015)
Inwahnerdicht: 504 Inwahners pro km²
Hööchd: 45 m över de See
Postleettall: 48282
Vörwahl: 02572
Geograafsche Laag:
Koordinaten:52° 10′ N, 7° 32′ O
52° 10′ N, 7° 32′ O
Grenzen bi OSM: 155714 155714
Gemeenslötel: 05 5 66 008
UN/LOCODE: DE EDN
Öörd in de Gemeen: 8
Börgermeester: Georg Moenikes
Websteed: www.emsdetten.de


Detten (up Haugdüütsk Emsdetten) is een Stadt in Westfaolen an de Iäms, 24km nüördlik van Mönster. Nao Rene en Graiwen is Detten de Stadt met de diärdmiärsten Inwueners in de Kreis Stemmert.

Geografie[ännern | Bornkood ännern]

De St. Pankratius Kiärk

Laoge[ännern | Bornkood ännern]

Detten lig in Nuordrien-Westfaolen in de Kreis Stemmert. De Stadt in de Nuorddüütske Leegland lig westlik van de Iäms, blaus de Stadtdeel Sieningen lig austlik van de Iäms.

Naobergemainden[ännern | Bornkood ännern]

De Naobergemainden sint Rene, Hüörsel, Saorbiek, Graiwen, Nordwol, Stemmert un Nienkiärken.

Stadtdele[ännern | Bornkood ännern]

  • Ahlintel
  • Austum
  • Hembiärgen
  • Hollingen
  • Isendorf
  • Sieningen
  • Veltrup
  • Westum

Geschicht[ännern | Bornkood ännern]

1200 v.Chr. wuenden de iärsten Mensken in düsse Stiär. In't Jaor 1178 is de Naome van düssse Oort dat iärste Maol in ene Urkunne äs Thetten upschrieven wuorn. Düör de swatte Daud is 1580 binao dat heel Duorp uutstuowen. Guet un wal 100 Jaor läter, in 1688, vönichtede en graut Füer en Deel van de Oort. Van dat 17. bes to dat 19. Jaorhunnert vödainden viele Bewuener üören Liäwensunnerholt äs Wannenmaker. Wannen sint flacke Küörwe, de bruukt wüör üm Kaorn nao het Düörsken van het Kaf to scheden. De Bau van de Isenbaanlinning Mönster-Emden in 1856 lait de Oort gau wassen. Daornao en bes in de iärste Halwschaid van dat 20. Jaorhunnert was Detten van Belang för de Jütinnustrie. Siet 1938 draw Detten sik Stadt näömen. An' 1.Juli 1969 wüör Hembiärgen en Deel van Detten. An' 1.Jannuar 1975 mosse Saorbiek 3,5km² an Detten aftriäten. An' 20.November 2006 is en daomaolige Schöler van de Geschwister-Scholl-Schule düördrait. He seerte 6 Mensken duor Schüete. Achternao schot he sik daud.

Poltik[ännern | Bornkood ännern]

Stadraod[ännern | Bornkood ännern]

De Stadraod häw van 2014-2020 46 Sitte. Büörgermester Georg Moenikes(CDU) is de Vüörsitter.

Sitte in de Stadraod:

Woppen[ännern | Bornkood ännern]

Dat gröön Woppen is düör en sülwern Wellenbalken van buoben vüörn nao unnen ächten deelt. He stait för de Laoge an de Iäms. Buoben is en sülwern Wannenmakerisen to sain en unnen en sülwern Wiäwerschipken. Dat Wiäwerschipken stait för de Tüüginnustrie uut dat völieden Jaorhunnert.

Partnersteden[ännern | Bornkood ännern]

Sport[ännern | Bornkood ännern]

De Handballmanschup van de TV Emsdetten spielt siet de Spieltiet 1985/86 in de 2.Bundesliga. 1989/90 sint se in de Rägjonalliga West afstegen en een Jaor later aal wier upstegen. 2013/14 spielde de Vöain för een Jaor in de 1. Bundesliga.

Kultuur[ännern | Bornkood ännern]

Dat Wannenmakermuseum

De Vöain „DettenRockt e. V.” stelt siet 2005 jeed Jaor dat DettenRockt-Festival up de Bene.

In't Wannenmakermuseum kan enen sik siet 1985 üöwer de Wannenmakeri klook maken.

Weblinks[ännern | Bornkood ännern]