Museum

Vun Wikipedia
Oversee-Museum in Bremen.

Dat Museum (ooldgr. μουσεῖον mouseíon ‚Musentempel‘[1], an un for sik de Musen ehre Hillige Stäe, is en Huus un Institutschoon, de sik mit dat Sammeln, in'e Reege bringen, Forschen un Utstellen vun Saken befaten deit, de for de Minschen wichtig sünd, wo se wat vun lehren, oder wo se sik over högen könnt. De Musen, wo dat Museum sien Naam vun hett, weern antike Göddinnen, de sik stark maakt hefft for Kunst, Kultur un Wetenschop.

Dat Woort „Museum“ is upkamen in de Tied vun den Hellenismus in de Antike. Dat Museion vun Alexandria weer in düsse Tied een vun de bedüdensten Stäen for de Forschung. Grünnt wurrn is dat in dat 3. Johrhunnert v. Chr.. Dor höör ok de Bibliothek vun Alexandria mit to. 1546 is de eerste „Museum“-Kataloog druckt wurrn. Dormols hett de Humanist Paolo Giovo in Como in Italien over een Deel vun sien Huus de „Musaei Joviani Descriptio“.[2] rutgahn laten. Vun dor af an is dat Woort as Naam for allerhand Sammlungen bruukt wurrn. As allgemeen Begreep weer dat avers eerst vun dat Enne vun'e 18. Johrhunnert af an begäng (an de Siet vun Pinakothek oder Glyptothek). Tostännig for en Sammlung oder Utstellung in en Museum is de Kurator. Hüdigendags mütt de Besökers meist „Intritt“ betahlen. Dat Geld warrt bruukt to'e Pleege vun de Sammlung un dat Huus; faken gifft dat avers een Dag in'e Weken oder tominnst en poor Stunnen an en Dag, wo en Besöök in't Museum nix kosten deit.

Weblenken[ännern | Bornkood ännern]

Museum. Mehr Biller, Videos oder Audiodateien to’t Thema gifft dat bi Wikimedia Commons.

Belege[ännern | Bornkood ännern]

  1. [1], μουσεῖον, rutg. Zeno.org. Pape: Handwörterbuch der griechischen Sprache
  2. Wolfgang Kemp, in: Funkkolleg Kunst, Studienbegleitbrief 3: Kunst kommt ins Museum, S. 41