Rudolf II. (HRR)

Vun Wikipedia
Rudolf II., maalt vun Joseph Heintz d. Ö., 1594
Rudolf as jungen Kerl, as he Erzhartog weer

Rudolf II. (* 18. Juli 1552 in Wien; † 20. Januar 1612 in Prag) weer Kaiser vun dat Hillige Röömsche Riek vun Düütsche Natschoon (1576-1612), König vun Böhmen (1576-1611), König vun Ungarn un Erzhartog vun Öösterriek (1576-1608). To'n Röömsch-düütschen König is he 1575 wählt wurrn.

Rudolf hett Kunst un Wetenschop bannig vöran brocht, man as Kaiser hett he alltohopen nix up'e Reege kregen. Sunnerlich in de lesten Johre hett he mit siene Regeerung nix mehr tostanne brocht. To siene Tied weer de Lange Törkenkrieg. Dat he nix up'e Reege kregen hett, as he Kaiser weer, hett dor mit to bidragen, datt dat Riek siene Verfaten dör'nanner kamen is. Erzhartog Matthias un annere Lüde ut dat Huus Habsborg hefft sik tolest open gegen den Kaiser stellt un em mit'e Tied all siene Macht ut'e Hand nahmen.

Rudolf weer en Söhn vun Kaiser Maximilian II. un vun Maria vun Spanien. Jüngere Bröer sünd Ernst (later sunnerlich Stattholler in de Nedderlannen), Matthias (Kaiser), Maximilian (den Düütschen Orden sien Hoochmeester, Stattholler vun Vörder-Öösterriek), Albrecht (Erzbischop vun Toledo, later Stattholler vun de Nedderlannen) un Wenzel (Grootprior vun den Orden vun de Johanniters in Kastilien). Denn hett he ok noch sess Sustern harrt. Dör de Hochtied mit Anna weer he de Swager vun Philipp II. vun Spanien un over Elisabeth weer he Swager vun Karl IX., den König vun Frankriek.

Sien Vorweser as Kaiser is sien Vadder Maximilian II. ween, sien Nafolger weer sien Broer Matthias.

Literatur[ännern | Bornkood ännern]

  • Jacqueline Dauxois: Der Alchimist von Prag. Rudolf II. von Habsburg. Eine Biographie, Düsseldorp, 1997, ISBN = 3-538-07057-1
  • Robert John Weston Evans: Rudolf II. Ohnmacht und Einsamkeit, Graz u. a., 1980, ISBN = 3-222-11290-8
  • Eliška Fučíková et al. (Rutg.): Rudolf II. und Prag. Kaiserlicher Hof und Residenzstadt als kulturelles und geistiges Zentrum Mitteleuropas, Prag, 1997, ISBN = 88-8118-249-1 (Katalog to de Utstellen)
  • Eliška Fučíková: Die Rudolfinische Zeichnung, Hanau, 1987, ISBN = 3-7684-1790-5
  • Jaroslava Hausenblasová: Der Hof Kaiser Rudolfs II. Eine Edition der Hofstaatsverzeichnisse 1576–1612, Prag, 2002, ISBN = 80-902279-7-X
  • Christian Sapper: Kinder des Geblüts. Die Bastarde Kaiser Rudolfs II., Sammelwark: Mitteilungen des Österreichischen Staatsarchivs, Band 47, 1999
  • Volker Press: Rudolf II. In: Anton Schindling, Walter Ziegler (Rutg.): Die Kaiser der Neuzeit. 1519–1918. Heiliges römisches Reich, Österreich, Deutschland. München 1990, ISBN 3-406-34395-3, S. 99–112.
  • Brigitte Vacha (Rutg.): Die Habsburger. Eine europäische Familiengeschichte. Wien 1992, S.  172–188.
  • Kai Wenzel: Rex sedet in medio. Das Reliefbild König Rudolfs II. am Bautzener Reichenturm. In: Neues Lausitzisches Magazin, NF 11, 2008, S. 27–56.
  • Peter H. Marshall: The Mercurial Emperor. The Magic Circle of Rudolf II in Renaissance Prague. London 2007.
  • Václav Bužek (Rutg.): Ein Bruderzwist im Hause Habsburg (1608–1611). České Budějovice 2010.

Weblenken[ännern | Bornkood ännern]

Rudolf II. (Hillig Röömsch Riek). Mehr Biller, Videos oder Audiodateien to’t Thema gifft dat bi Wikimedia Commons.


Vörgänger Amt Nafolger
Maximilian II. Röömsch-düütschen Kaiser
1576-1612
Matthias