Rotthusen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04742 | |
| Geograafsche Laag: | Koordinaten:53° 41′ N, 8° 32′ O53° 41′ N, 8° 32′ O | |
|
| ||
Rotthusen (hoochdüütsch Rotthausen) is lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Padingbüddel mit bi.
Geografie[ännern | Bornkood ännern]
De Oort liggt in de Masch von Land Wusten. De Noordsee is good twee Kilometer in’n Westen. Dat Water ut dat Rebeed flütt över Gravens af na de Padingbüddeler-Mulsener Waterlöös un de Lemmasch.
De Naveröörd sünd Padingbüddel in’n Noorden, Heuhusen in’n Noordoosten, Themeln un Dorum in’n Oosten, Feldsaten, Lewen un Mulsen in’n Süüdoosten, Barlinghusen in’n Süden, Veerhusen, Misselwarden un Flohborg in’n Süüdwesten, Weitenweg in’n Westen un Engbüttel un Bellitzen in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
De Oort weer vör 1852 in dat Süderveerdel von dat Kaspel Padingbüddel un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Padingbüddel Deel von de Samtgemeen Land Wusten worrn. To’n 1. Januar 2015 is de Gemeen Padingbüddel oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall[ännern | Bornkood ännern]
| Johr | Inwahners |
|---|---|
| 1824[1] | 5 Füürsteden |
| 1. Dezember 1871[2] | 21 Lüüd, 6 Hüüs |
Religion[ännern | Bornkood ännern]
Rotthusen is evangeelsch-luthersch präägt un höört to dat Kaspel von de Matthäus-Kark in Padingbüddel.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Rotthusen is över en lüttjere Straat mit Padingbüddel verbunnen, de ok an de Kreisstraat 68 rangeiht, de in’n Noordoosten na Dorumer Neefeld un Spiek geiht un in’n Süden na Misselwarden. Annere lüttjere Straten loopt över Barlinghusen na Mulsen un över Themeln na Dorum an de Landsstraat 129 ran. De L 129 geiht in’n Süden na Wremen, Dingen un Weddewarden un in’n Noordoosten na Millm.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so negen Kilometer in’n Oosten von Rotthusen an de L 119.
De nächste Bahnhoff is so bi veer Kilometer wied weg in’n Oosten de Bahnhoff Dorum an de Bahnlien Bremerhoben–Cuxhoben.
Footnoten[ännern | Bornkood ännern]
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 520
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154