Bellitzen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04742 | |
| Geograafsche Laag: | Koordinaten:53° 42′ N, 8° 31′ O53° 42′ N, 8° 31′ O | |
|
| ||
Bellitzen (hoochdüütsch Bellitzen) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Padingbüddel mit bi.
Geografie
[ännern | Bornkood ännern]De Oort liggt in de Masch von Land Wusten. De Noordsee is good twee Kilometer in’n Westen. Dat Water ut dat Rebeed flütt över Gravens af na de Padingbüddeler-Mulsener Waterlöös.
De Naveröörd sünd de Padingbüddeler Nedderstreek un de Padingbüddel Böverstreek in’n Noorden, Padingbüddel in’n Noordoosten, Dorum, Valg, Themeln un Rotthusen in’n Süüdoosten, Weitenweg, Engbüttel un Fockwarden in’n Süüdwesten, Neddermöhl in’n Westen un de Misselwardener Nedderstreek in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort weer vör 1852 in dat Süderveerdel von dat Kaspel Padingbüddel un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Padingbüddel Deel von de Samtgemeen Land Wusten worrn. To’n 1. Januar 2015 is de Gemeen Padingbüddel oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 1 Füürsteed |
| 1. Dezember 1871[2] | 10 Lüüd, 1 Huus |
Religion
[ännern | Bornkood ännern]Bellitzen is evangeelsch-luthersch präägt un höört to dat Kaspel von de Matthäus-Kark in Padingbüddel.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Bellitzen is över lüttjere Straten anbunnen an de Kreisstraat 68, de in’n Noordoosten na Dorumer Neefeld un Spiek geiht un in’n Süden na Misselwarden un bi Mulsen an de Landsstraat 129 ran. De L 129 geiht in’n Süden na Wremen, Dingen un Weddewarden un in’n Noordoosten na Dorum un Millm.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so ölven Kilometer in’n Oosten von Bellitzen an de L 119.
De nächste Bahnhoff is so bi fiev Kilometer wied weg in’n Oosten de Bahnhoff Dorum an de Bahnlien Bremerhoben–Cuxhoben.
Footnoten
[ännern | Bornkood ännern]- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 46
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
