Robert Anthony Leslie
Robert Anthony Leslie (* 16. August 1942 in Belize-Stadt) is en Diplomaat ut Belize.
Leslie is 1942 as Söhn von Florence, borene Yeaguirre, un Roy Leslie in Belize-Stadt boren.[1] He güng bet 1960 in Belize-Stadt op dat St. John’s College un hett denn bet 1965 an dat Polytechnic-Regent Street in London studeert un bet 1971 Politikwetenschoppen an dat Kalamazoo College in Kalamazoo (Michigan, USA).[1] 1991 hett he en Master of Arts in Diplomatie an de Polytechnic of Central London in London (Grootbritannien) maakt.[1]
Leslie weer siet 1970 Beamten för de Regeren von Belize. Toeerst von 1970 bet 1971 as Assistenz-Sekretär för dat Office of Personnel Services, von 1971 bet 1973 in dat Lands Department von dat Ministerium för Natürliche Ressourcen un denn bet 1975 in dat Ministerium för Hannel un Industrie.[1]
1975 bet 1977 weer he Assistenz-Sekretär för de Foreign Affairs Unit.[1] 1979 hett he dat Amt as Kabinettssekretär övernahmen un weer tosätzlich Sekretär in dat Ministerium för Gesundheit, Huusbo, Kooperativen un Fischeree. 1980 is he as Sekretär in dat Butenministerium wesselt.[1] Dor is he bet 1981 bleven.[1]
1982 is Leslie Baadschopper von Belize in de USA mit Seet in Washington D.C. worrn.[1] He weer von 1983 bet 1985 de eerste Stännige Vertreder von Belize bi de Vereenten Natschonen na de Unafhängigkeit von dat Land. 1985 is he von Kenneth Tillett aflööst worrn.
An’n 5. April 1991 is Leslie Hoochkommissar von de Hoge Kommission von Belize in London (vergliekbor mit en Baadschopper) worrn un is an’n 25. Oktober 1991 tosätzlich as Vertreder von Belize bi de Europääschen Gemeenschoppen akkrediteert worrn. 1993 hett em Ursula Helen Barrow as Hoochkommissar aflööst.
Ünner Said Musa weer he von 1998 bet 2008 wedder Kabinettssekretär. 2008 is he in Rohstand gahn.
Leslie hett 1982 Bernadette M. Codd freet.[1] De beiden bedrievt privaat mit Leslie’s Private Paradise en Lodge an’n George Price Highway in Camalote.
Ehren[ännern | Bornkood ännern]
2006 hett he den Order of Distinguished Service kregen.[2]
Warken[ännern | Bornkood ännern]
- A History of Belize, Nation in the Making. Cubola Productions, 1995