Rene

Vun Wikipedia
(wiederwiest vun Rheine)
Wapen/Flagg Koort

Wapen vun Rene

Rene
Laag vun Rene in Düütschland
Basisdaten
Bundesland: Nuordrien-Westfaolen
Regerungsbezirk: Mönster
Kreis: Stemmert
Flach: 144,86 km²
Inwahners: 76.107 (2020-09-3030. September 2020)
Inwahnerdicht: 525,4 Inwahners pro km²
Hööchd: 35 m över de See
Postleettall: 48429, 48431, 48432
Vörwahl: 05971, 05975, 05949
Geograafsche Laag:
Koordinaten:52° 17′ N, 7° 26′ O
52° 17′ N, 7° 26′ O
Grenzen bi OSM: 155707 155707
Gemeenslötel: 05 5 66 076
Börgermeester: Peter Lüttmann
Websteed: www.rheine.de
Karte

Rene (hauchdüütsch Rheine) is ene Stadt in’d Noorden van Westfoalen, an de Iämse. De Stroom geiht midden döer de Stadt. Rene liggt in’d westdüütsche Bundsland Noordrhien-Westfoalen, direkt an’ne Grenz to Neddersassen, un is de grautste Stadt midden in’n Kreis Stemmert tüsken de lüttken Oorte Nienkiärken, Saoltbiärgen, Hüörsel un Detten. Manchereener van de Rheinsken seggt up Plattdüütsch ok Rheni oder Rene för siene Stadt.

In’d Süden van Rheni/Rene gifft dat de Oorte Mesum, Hohnhurst un Iälte, wat vandage to de Stadt höört.

Geschichte un Spraoke[ännern | Bornkood ännern]

In’d Jaohr 838 n. Chr. is de Naome van düsse Oort dat eerste Maol in eene Urkunde as „Reni“ upschreven wuorn. 500 Jaohr later, in’d Jaohr 1327, is Rene ene Stadt wuorn. Aover dat is noch nich lang so, dat Rene so’n graute Stadt is as vandage. Eerst bi de Industrialisierung is ut de lüttke Landstadt en Industriestadt wuorn met ville Fabriken van de Textilindustrie. Vandage liäven 77.052 Mensken in Rene. Van düsse Mensken küert man noch weinig giärne de plattdüütschen Tungenslag in siene westfälske un mönsterlänsk Form. Vandage küert se in Rene leiver Hauchdüütsch, vor allem de junge Lüde.

Fröher was Rene in de Hanse west un höört nu to de Niege Hanse.

Poltik[ännern | Bornkood ännern]

De Büörgermester van Rene is Peter Lüttmann. He is nich Let van ene Partei. De Stadraod häw 48 Lets. Lüttman is Vüörsitter van dän Raod, aower is kien Let daovan.[1]

Siähnswördigkeiten[ännern | Bornkood ännern]

Midden in’e Stadt is en olle Kiärke (baut van 1400 to 1527). De Naome van düsse Kiärke is St. Dionys. En paar olle Börgerhüser sünd direkt daoniäven an’d Marktplatz. Ne andere fiene Kiärke is de Basilika St. Antonius met de grautste Kiärkentorm in’d ganze Mönsterland.

Nich wiet weg van de Stadt is de Bentlager Bosch, en fienen Wald mit olle Bäumkes un Pättkes för’d Wandern un Laupen. Midden in’n Bosch is ok en Klooster. Dao kann man na’n Spaziergang ene Tasse Kaffee drinken un sik Billers in’d Museum ankieken. Niäven düssen Bosch sünd ene Saline un daoniäven en Deerpark, de NaturZoo Rheine. Dao künnt de Kinners ihre Plaseer hebben un daobi ok wat lehrn.

Sport[ännern | Bornkood ännern]

In Rene gaw dat en Fruenfootball-Bunnsligavereen, den 1. FFC Heike Rene. He spiëlde 16 Jaore in de 1. Bunnesliga un häw sik 2016 uplöst. De Footballnatschonalspeler Paul Mebus is hier boren.

Naowise[ännern | Bornkood ännern]

  1. Rat der Stadt Rheine. In: rheine.de. Afropen an’n 15. Januar 2021.



Disse Artikel is op Westfäälsch schreven. Mehr Artikels op Westfäälsch.