Poltergeist III: The Final Chapter

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Poltergeist III: The Final Chapter
Düütsch Titel: Poltergeist III – Die dunkle Seite des Bösen
Produkschoonsland: USA
Johr vun’t Rutkamen: 1988
Läng: 98 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Gary Sherman
Dreihbook: Gary Sherman
Brian Taggert
Produkschoon: Barry Bernardi
Gary Sherman
Musik: Joe Renzetti
Kamera: Alex Nepomniaschy
Snitt: Ross Albert
Dorstellers

Poltergeist III: The Final Chapter (op plattdüütsch so veel as „Poltergeist III: Dat letzte Kapitel“; dt. Titel: Poltergeist III: Die dunkle Seite des Bösen) is de Titel vun en US-amerikaanschen Horrorfilm oder Thriller ut dat Johr 1988 mit Gary Sherman as Speelbaas, de ok an’t Dreihbook mitschreven hett. Mit dissen drüdden Deel geiht de Poltergeistreeg mit Poltergeist vun 1982 un Poltergeist II: The Other Side vun 1986 to Enn.

Inholt[ännern | Bornkood ännern]

Üm de gresigen Begeevnissen vun de verleden Johren to vergeten, warrt Carol Anne vun ehr Öllern na Chicago schickt, woneem se bi ehr Tante Patricia (Pat) un ehrn Unkel Bruce wahnen deit.

Man, dat Hoochhuus ut Stahl un Glas, woneem de Familie leevt, warrt bald vun en gresigen Spöök drapen, as de dämoonsche Reverend Kane, de ok al in’n tweeten Deel en bedüdene Rull speelt hett, wedder opduukt un versöcht, Carol Anne in’t Licht to tehn. Tangina markt, dat Kane de junge Deern funnen hett, un maakt sik foorts op’n Weg, üm ehr to helpen. Dat Böse sleiht ditmol gresiger to as se dat vörher kennenlehrt hebbt. Nix is mehr so, as dat schient. De Spökel vun Reverend Kane folgt Carol anne övberall hen, woneem he de Mööglichkeit hett, över Spegels un verspegelte Flachen Togang in disse Siet vun de Welt to kriegen.

Nix kann een mehr glöven, un wat een nich glöven will, warrt Wohrheit. Gefohr tütt ok op för en Koppel vun junge Lüüd, de en grote Cocktailparty utnütt, üm in’n Rest vun dat Hoochhuus en Party to maken. För Carol Anne fangt en bösen Droom an, in den se ahn Barmen jaagt warrt. Ok de Familie schall mit op de annere Siet tagen warrn, ümdat later keeneen mehr dor is, de Carol Anne mit de Macht vun jemehr Leev torüchholen kann.

Opletzt stieht Tangina ehr bi un föhrt den Reverend in’t Licht, ümdat Carol Anne een för all mol in Roh laten warrt. Dat Böse hett för all Tieten sien Enn funnen.

Dreiharbeiten[ännern | Bornkood ännern]

De Film is in dat hunnerstöckige John Hancock Center in Chicago dreiht worrn. Man, dat geev keen Huus, dat all Saken opwiesen de, as dat Dreihbook dat för den Film vörsehn harr. Dorüm müss ok noch in annere Hüüs dreiht warrn as in’t George Wellington Center, in’t Lincoln Park Conservatory un in’t Water Tower Shopping Atrium. De Trickeffekten weern to de Tiet noch nich an’n Reekner, man vör Oort bi’n Dreih maakt.

Jüst so as bi’n tweeten Deel geev dat en Vörföhren to Proov, de jüst so in en Katastrooph münnen deen. Sünners dat Enn weer dull kritiseert. Sherman schall seggt hebben, dat de infroren Schauspelers utsehn deen as harrn se en Eiweißexplosion överleevt. Ok de Dorstellen vun Heather O’Rourke stünn düchtig ünner Kritik, so dat vun ehr Szenen ruchweg twintig Minuuten rutsneden worrn sünd.

De dormols twölfjohrige Heather O’Rourke is na’t Enn vun de Dreiharbeiten doodbleven. As dat Studio dorop bestünn, dat dat Enn nee maakt warrt, müss ehr Rull vun en Double speelt warrn. Nancy Allen un Gary Sherman hebbt in mehrere Interviews seggt, dass se mehr oder minner dorto drammt worrn sünd, dat Enn natodreihn, vun wegen dat Speelbaass Sherman den Film eerst gor nich to Enn maken wull, as O’Rourke storven weer. De Motivatschoon weer dorüm allens annere as groot, as de Narbeiten maakt worrn sünd – so dull dat dorbi sogor een vun de Figuren (Scott) dorbi vergeten worrn is.

Utteken[ännern | Bornkood ännern]

De Film hett keen Priesen wunnen, weer aver vör twee Utteken vörslahn. Beide Nomineeren güngen an Zelda Rubinstein, de to’n een 1989 as Slechtste Nevendorstellersche för de Goldene Himbeer un 1990 as Beste Nevendorstellersche för den Saturn-Pries vörslahn weer.

Weblenken[ännern | Bornkood ännern]