Paris–Nizza

Vun Wikipedia

Dat Etappenrennen Paris–Nizza (ok Rennen to de Sünn nömmt) gellt as de eerste wichtige Rundfohrt vun de Radsport-Saison un hörr van 2005 bit 2007 to de UCI ProTour, en Reeg vun de wichtigst Radrennen in en Johr. Siet 2011 hörrt dat Rennen to de Nahfolgereeg UCI World Tour.

Dat een Week lang Etappenrennen wurrd in März, parallel to dat italieensch Rennen Tirreno–Adriatico, in’ Süüden vun Frankriek utdragen. Dat wurr vun Albert Lejeune, den Direkter vun de Tietschrift „Petit Journal“ grünnd un funn eerstmals 1933. Hüüd wurrd dat Rennen vun de Amaury Sport Organisation veranstalt, de ok de Tour de France organiseert. In Analogie to de Tour de France kriggt de Führende vun de Gesamtwertung dat Geel Trikot (maillot jaune), de Führende vun de Punktewertung dat Gröön Trikot (maillot vert) un de Führende dvun de Bargwertung dat Trikot mit de Punkten (Bargtrikot oder maillot à pois). De beste Nahwussfohrer kriggt dat Witt Trikot (maillot blanc).

Intüschen is de Start nich mehr in Paris, sonnern in den pariser Vöroort Issy-les-Moulineaux. Dat Profil vun dat Etappenrennens is för den fröhen Tietpunkt in der Saison temelk swoor, wiel dat mehrere Deelstrecken mit Anstieg vun de eerste Kategorie gifft. En vun de letzt Deelstrecken is meestens en Barg-Tietfohren in de Gegend üm Nizza. Mit söben Siege in Folg in de 1980er Johren is de Ire Sean Kelly Rekordsieger vun Paris–Nizza.

Siegerlist[ännern | Bornkood ännern]

Weblenken[ännern | Bornkood ännern]