Fermo Camellini

Vun Wikipedia
Zur Navigation springen Zur Suche springen

Fermo Camellini (* 7. Dezember 1914 in Scandiano; † 27. August 2010 in Beaulieu-sur-Mer) weer en italieensch-franzöösch Radrennfohrer.

Fermo Camellini weer Profi-Radrennfohrer van 1937 bit 1951. 1942 keem he bi de Vuelta a España up den teihnten Platz. Bi den Giro d’Italia in dat Johr 1946 droog he veer Daag lang dat Maglia Rosa. In dat glieker Johr wunn he dat Rennen Paris–Nizza (vör Maurice De Muer un Frans Bonduel) as ok 1948 den Walloonschen Piel.

Dreemal is he bi de Tour de France antreeden; 1947 keem he in de Gesamtwertung up Rang 7, wunn twee Deelstrecken as ok de Bargwertung an den Col du Galibier, 1948 keem he up den 8. Platz. 1947 wunn he de eerste Deelstreck bi de eerste Utdragen van dat Critérium du Dauphiné un belegg 1948 den tweeten Platz in de Saisonwertung Challenge Desgrange-Colombo.

Camellini weer van Gebort Italiener, nehm aber 1948 de franzöösch Staatsangehörigkeit an. 2010 is he in dat Öller van 95 Johren un as öldst noch leven Sieger van Paris-Nizza in dat franzöösch Beaulieu-sur-Mer, wo he en Fohrradgeschäft bedreeven harr, storven.

Weblinks[ännern | Bornkood ännern]