Laurent Jalabert
Laurent Jalabert (* 30. November 1968 in Mazamet, Département Tarn) is en ehmalger franzöösch Radrennfohrer. He tellt to en van de spoodriekst Radprofis van de 1990er Johren.
Loopbahn
[ännern | Bornkood ännern]Jalabert, van sien franzöösch Fans blots „Jaja“ nömmt, weer Profi van 1989 bit 2002 un tonächst vör allen as Sprinter spoodriek. So wunn he bi de Tour de France 1992 und 1995 jewiels dat Gröön Trikot van den Punktbesten.
Af de tweet Hälft van de 1990er Johren weer Jalabert en van de völsiedigsten Fohrer in’n Radsport. Tüschen 1995 un 2000 weer he mit kört Ünnebreeken de Nummer 1 van de UCI-Weltranglist. Dorbi weer he vör allen as Klassikerjäger un up lüttgere Rundfohrten spoodriek. 1995 wunn he nah fiev Deelstreckensiegen ok de Gesamtwertung van de swoor Vuelta a España. In dat glieker Johr stunn an den franzööschen Natschonalfierdag de Anstieg an de Côte de la Croix-Neuve to’n eersten Mal up dat Programm van de Tour de France. Jalabert hett ut de Spitzengrupp angreepen un reck as Sieger den Teeloort Mende. Teihn Johr later kreeg de Barg to Ehren van den Franzosen den Binaam Montée Laurent Jalabert.[1] Bi de Tour 1995 droog Jalabert twee Daag lang dat geel Trikot, ok in anner Johren hett he dat af un to mal schafft, sien best Endergevnis bleev aber Platz 4. In dat Johr 1997 wunn he dat Tietfohren van de Straatenrad-Weltmeesterschapen.
Tegen Enn‘ van sien Loopbahn hett Jalabert bi dat Team CSC van Bjarne Riis sien Taktik ännert un wunn bi de Tour de France tweemal dat Trikot van den besten Bargfohrer (2001, 2002). Neben hüm kunnen blots Eddy Merckx un Bernard Hinault in hör Loopbahn sowohl dat Gröne Trikot van de Sprinter as ok dat mit Punkten versehn Trikot van de best Bargfohrer winnen. Insgesamt hett Laurent Jalabert veer Deelstrecken bi dit wichtigst Deelstreckenrennen van de Welt wunnen (1992, 1995, 2× 2001). Bi Olympisch Spelen hett he aber kien Medaille reckt.
Laurent Jalabert is nah de Saison 2002 van den Radsport torüchtreeden un hett Marathonloopen traineert (2:55 Stünnen bi den New-York-City-Marathon 2005) as ok Triathlon, wo he 2010 bi Ironman-70.3-Wettbewarfen över de half Ironman-Distanz antreeden dee (1,9 km Swemmen, 90 km Rad fohren un 21,1 km Loopen).[2]
Natschonaltrainer
[ännern | Bornkood ännern]Van 2008 bit 2013 weer Jalabert as franzöösch Natschonaltrainer tätig.[3] Bi en Unfall in‘n März 2013 is Jalabert dicht bi Montauban up sien Fohrrad mit en Auto tosommenstött un hett sück eenige Knaaken braaken.[4] Wenige Weeken nah den Unfall is he as Natschonaltrainer torüchtreeden.[5] As Grund hett he to minn Ünnerstütten dör den franzööschen Verband angeeven.[6]
Dopingverdacht
[ännern | Bornkood ännern]Enn‘ Juni 2013 hett dat franzöösch Sporblatt L’Équipe bericht, dat bi en 2004 vörnommen Nahtest van en Dopingproov van Jalabert bi de Tour de France 1998 EPO nahwiest wurrn weer. Jalabert, de an’n 14. März 2013 tegenöver de Anti-Doping-Kommission van den franzööschen Senat ünner Eed bestreeden hemm sall, wiels sien Karriere as Radprofi illegale Handlungen vörnommen to hemm, aber ok dörblicken leet, dat he evtl. ahn sien Weeten dopt wurrn to ween, hett nah Bekanntwurrn van den Bericht seggt, dat he nich wüss, of dat wohr weer.[7]
Wat he schafft hett
[ännern | Bornkood ännern]- 1989
- 1990
- 1991
- 2. Rad-Weltcup
- 1992
- een Deelstreck un Gröön Trikot (Punktewertung) Tour de France
- Sülvermedaille bi de UCI-Straatenweltmeesterschapen
- 1993
- Gesamtwertung un twee Deelstrecken Mallorca Challenge
- Trofeo Luis Puig
- Vuelta a la Rioja
- Classica de Alcobendas
- 1994
- söben Deelstrecken un Punktewertung Vuelta a España
- 1995
- Gesamtwertung Paris–Nizza
- Mailand–San Remo
- Gesamtwertung Katalonien-Rundfohrt
- La Flèche Wallonne
- Gesamtwertung Critérium International
- een Deelstreck und Punktewertung Tour de France
- Gesamtwertung, fiev Deelstrecken, Punktewertung un Bargwertung Vuelta a España
- 1996
- Gesamtwertung Mallorca Challenge
- Gesamtwertung Valencia-Rundfohrt
- Gesamtwertung Paris–Nizza
- Classique des Alpes
- Gesamtwertung Grand Prix Midi Libre
- Gesamtwertung Route du Sud
- Classic Haribo
- twee Deelstrecken un Punkte wertung Vuelta a España
- 1997
- Gesamtwertung un een Deelstreck Mallorca Challenge
- Gesamtwertung Paris–Nizza
- Milan-Turin
- Gesamtwertung Burgos-Rundfohrt
- Weltmeester in dat Eenzeltietfohren bi de UCI-Straaten-Weltmeesterschapen
- Lombardei-Rundfohrt
- La Flèche Wallonne
- Escalada a Montjuïc
- twee Deelstrecken un Punktewertung Vuelta a España
- 1998
- Tour du Haut-Var
- Tour des Asturies
- Franzöösch Straatenmeester
- Classique des Alpes
- 1999
- Gesamtwertung Baskenland-Rundfohrt
- Gesamtwertung Tour de Romandie
- dree Deelstrecken un Punktewertung Giro d’Italia
- Prueba Villafranca de Ordizia
- Gesamtwertung Setmana Catalana
- GP de Villafranca de Ordizia
- 2000
- Gesamtwertung Tour Méditerranéen
- Gesamtwertung Setmana Catalana
- 2001
- Clásica San Sebastián
- twee Deelstrecken, Bargwertung un kämperischt Fohrer bi de Tour de France
- 2002
- Tour du Haut-Var
- Clásica San Sebastián
- Coppa Agostoni
- Bargwertung un kämperischt Fohrer bi de Tour de France
Weblinks
[ännern | Bornkood ännern]
Enkeld Nahwiesen
[ännern | Bornkood ännern]- ↑ live-radsport.ch van’n 16. Juli 2010: Alberto Contador freut sich auf die Montée Laurent Jalabert
- ↑ 70.3 Miami: Cave in ihrer eigenen Welt
- ↑ Jalabert to replace Moncassin? auf cyclingnews.com v. 30. September 2008 (engelsch)
- ↑ Laurent Jalabert opéré avec succès de ses fractures up lepoint.fr., 12. März 2013 (franz.)
- ↑ Jalabert claque la porte de l'équipe de France up cyclismactu.net v. 16. April 2013 (franz.)
- ↑ Jalabert als französischer Nationaltrainer zurückgetreten up radsport-news.com v. 17. April 2013
- ↑ radsport-news.com vom 25. Juni 2013: L`Équipe: Jalabert bei der Tour 1998 positiv auf EPO