Michel Laurent
Michel Laurent (* 10. August 1953 in Bourbon-Lancy) is en ehmalger franzöösch Radrennfahrer un later Sportlich Leiter.
Michel Laurent weer Profi van 1975 bit 1984 un kunn tallriek Rennen winnen (vör allen Eendagsrennen), stunn aber in sien Tiet in‘ Schadden vun Bernard Hinault. Sien gröttste Erfolg weer de Sieg bi Paris–Nizza 1976. In dat Johr 1978 wunn he La Flèche Wallonne un dat Critérium des As, 1980 dat Critérium International as ok 1982 dat Critérium du Dauphiné. 1978 un 1980 kunn he de Tour du Vaucluse up sien Naam schrieven un 1979 un 1982 wunn he de Middelmeer-Rundfohrt.
Negen Mal is Laurent bi de Tour de France antreeden, 1977 keem he dorbi up Rang 7 in de Gesamtwertung. Bi de Tour 1983 wunn Laurent de 16. Deelstreck, nahdem hüm in‘ Slusssprint Henk Lubberding to Fall brocht harr. Lubberding wurr disqualifizeert un Laurent to’n Sieger verkloort. Bi den Giro d’Italia belegg he 1979 den veerten Platz in de Gesamtwertung.
Nah dat Enn‘ vun sien aktiv Loopbahn weer Laurent ünner annern as Sportlich Leiter vun Radsportteams tätig, toletzt as Assistent vun Roger Legeay bi dat Team Crédit Agricole.