Out of Inferno

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Out of Inferno
Düütsch Titel:
Produkschoonsland: China (Hongkong)
Johr vun’t Rutkamen: 2013
Läng: 107 Minuten
Originalspraak: Chineesche Spraak, Hochchinesisch un Kantoneesch
Öllersfreegaav in Düütschland: FSK  
Filmkru
Speelbaas: Oxide Pang Chun
Danny Pang
Dreihbook: Kam-Yuen Szeto
Produkschoon: Alvin Lam
Oxide Pang Chun
Danny Pang
Musik: Peter Kam
Wong KinWai
Kamera: Anthony Pun
Snitt: Curran Pang
Szenenbild: Lee KinWai
Kledaasch: Ida Trieu
Dorstellers

Out of Inferno (op plattdüütsch so veel as „Rut ut de Katastrooph“; chineesch: 逃出生天, Táo Chūshēng Tiān) is en chineeschen Katastrophenfilm, de 2013 in Hongkong produzeert weer. Speelbasen weern de Pang-Bröder, de wichtigsten Rullen weern besett mit Sean Lau, Louis Koo un Angelica Lee. Dreiht weer de Film in Bangkok, Thailand un in Guangzhou, China[1].

Inholt[ännern | Bornkood ännern]

In de süüdchineeschen Stadt Guangzhou arbeiten de beiden Bröder Tai-Kwan un Keung bi de Füerwehr. Man, siet veer Johren hebbt si nich mehr mit’nanner snackt, neemlich siet jemehr Vadder doodbleven weer. Intwüschen hett Keung sien Steed bi de Füerwehr opgeven un en Firma grünnt, de Sekerheitsreedschoppen un -systemen maken deit. As de Film anfangt, warrt jüst dat ne’e Büro för en Fier torecht maakt. Dat Büro liggt baven in en Hoochhuus, dat en grote Tall vun Ladens, Warksteden un Büros bargt un för dat Keung de Sekerheitsanlagen utklamüstert hett.

An den Dag, as Keung de Fier afhollen will, is ok Si-lok, de Ehfro vun Tai-Kwan, in dat Hoochhuus. Se hett dor en Termin mit ehrn Froendokter, vunwegen dat se bald en Kind kriegen deit. Si-lok freit sik düchtig op dat Kind, man is togliek nich tofreden mit de Arbeit vun Tai-Kwan, vunwegen dat he as Füerwehrmann jümmers grote Gefohren op sik nehmen deit. Se hett dat Geföhl, dat ehrn Ehmann de Arbeit bi de Füerwehr wichtiger is as sien Familie. Na en korten Striet doröver beslutt Tai-Kwan, dat he sien Fro recht geven mutt. He vertellt sien Baas, dat he nich länger bi de Füerwehr arbeiten kann.

Intwüschen hett dat ünnen in dat Hoochhuus en technischen Fehler geven, vunwegen dat de Sekerheit bi de Arbeit nich goot noog acht worrn is. Dat kummt to en Explosion un en Füer brickt ut, dat sik ünner annern över de Luftschächt gau na baven utbreden deit. Tai-Kwan warrt foorts losschickt, üm mit sien Trupp dat Füer to löschen. Wiel he vun buten versöcht, in dat Hoochhuus to kamen, üm de Minschen to redden un dat Füer to löschen, versöcht Keung sien Best vun binnen, sien Gäst in Sekerheit to bringen. As ok Si-Lok, de he in dat Huus finnen deit.

In’n wieteren Verloop mööt sik de Inslatenen as ok Tai-Kwan jümmer wedder ne’e gefährliche Weeg söken, wenn dat Füer jem inslaten hett oder den Weg na buten versparrt. Bito warrt verschedene annere Geschichten vertellt: so is dor en Mudder, de in dat Gewöhl vun de Katastrooph ehr lütt Kind ut de Ogen verleren un later wedderfinnen deit, oder ok en Arbeiter vun en Eddelsteenslieperee, de sien Baas dootsleiht un en Handvull Demanten roovt, as dat Füer utbreken deit. Opletzt kann Tai-Kwan sien Fro ut dat Hoochhuus redden. Un ok sien Broder kummt heel dorvun af, so dat se an’t Enn ok jemehrn ollen Striet bileggen künnt.

Borns[ännern | Bornkood ännern]

  1. Dreihöörd in de IMDb

Weblenken[ännern | Bornkood ännern]