Ooster-Helmworth
Ooster-Helmworth (hoochdüütsch Oster-Ihlienworth) weer bet 1937 en 14,25 km² grote Gemeen in Hadeln. Dat Rebeed höört vondaag to de Gemeen Helmworth (Samtgemeen Land Hadeln) in’n Landkreis Cuxhoben, Neddersassen.
Geografie
[ännern | Bornkood ännern]De Navergemenen weren Oosterenn Oterndörp un Oosterbrook in’n Noorden, Bülkau in’n Oosten, Godshem in’n Süden, Steenau in’n Süüdwesten, Wester-Helmworth in’n Westen un Neenkarken in’n Noordwesten.
Historie
[ännern | Bornkood ännern]Dat Kaspel Helmworth weer von öllers in twee Rebeden deelt, de egen Gerichtsbezirken billt hebbt. Dat Gössel-Gericht in’n Oosten von de Au un dat Emmelk-Gericht in’n Westen. Ut dat Gössel-Gericht hett sik later dat Kaspel Ooster-Helmworth billt, dat in dat 19. Johrhunnert in de dree Buurschoppen Mislag, Siedendeel un Straat opdeelt weer.
To’n 1. Oktober 1937 is Ooster-Helmworth mit Wester-Helmworth to de ne’e Gemeen Helmworth tohoopslaten worrn.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Helmworth in’n Kanton Oterndörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Gemeen hett vör 1852 dat Kaspelsgericht Ooster-Helmworth in dat Land Hadeln billt un weer denn von 1852 bet 1885 in dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 83 Füürsteden |
| 1812[2] | 496 |
| 1824[3] | 91 Füürsteden |
| 1848[4] | 603 Lüüd, 105 Hüüs |
| 1. Dezember 1871[5] | 737 Lüüd, 134 Hüüs |
| 1. Dezember 1885[6] | 768 Lüüd, 152 Hüüs |
| 1. Dezember 1905[7] | 642 Lüüd, 155 Hüüs |
| 1. Dezember 1910[8] | 666 |
Religion
[ännern | Bornkood ännern]Ooster-Helmworth weer evangeelsch-luthersch präägt un hett to dat Kaspel von de Wilhadi-Kark in Helmworth höört. De Kark stünn in de Gemeen Wester-Helmworth.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 122
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 66
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 318
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 157
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 68
- ↑ Inwahnertallen op gemeindeverzeichnis.de
Koordinaten:53° 44′ N, 8° 56′ O