Mairie Helmworth

Vun Wikipedia
Zur Navigation springen Zur Suche springen

De Mairie Helmworth weer in de Franzosentied (1810 bet 1813) een von de dree Mairien, in de de Kanton Oterndörp indeelt weer. De Seet weer in Helmworth. Se harr 2556 Inwahners.[1]

Historie[ännern | Bornkood ännern]

De Ümgegend von Helmworth hett vör de Franzosentied to Land Hadeln höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen hebbt de Mairien Ooster-Helmworth un Wester-Helmworth twee von de söss Mairien in’n Kanton Neenkarken von’n Distrikt Stood, Departement von de Elv- un Wersermünnen, billt.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Helmworth weer nu een von de dree Mairien in’n Kanton Oterndörp, Distrikt Stood, Departement von de Elvmünnen. De Mairie weer nu düüdlich grötter, dor sünd de Öörd in tohoopfaat worrn, de vörher in Westfalen to de dree Mairien Wester-Helmworth, Ooster-Helmworth un Steenau (all dree in’n Kanton Neenkarken) höört harrn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Samtgemeen Land Hadeln.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 66
  2. Bulletin des lois du Royaume de Westphalie. Königliche Bookdruckeree, Kassel 1810, Sied 5