Nadine Horchler

Vun Wikipedia
Zur Navigation springen Zur Suche springen

Nadine Horchler (* 21. Juni 1986 in Ottlar) is en düütsch Biathletin.

Persönliches[ännern | Bornkood ännern]

Nadine Horchler hett dree jüngere Geschwister, twee Süsters un een Bröer. De Twillings Karolin un Kristin hemm ok to de Nahwussen in' Biathlonsport in Düütschland hörrt. Wiels Karolin intüschen okn in' Weltcup insett wurrd, hett Kristin hör Karriere in' aktiven Leistungssport all afslooten. Nadine Horchler start för den SC Willingen, wahnt aber in Mittenwald un wurr dor vun Bernhard Kröll traineert. Se hörrt de Sportfördergrupp vun de Bundswehr in den Rang vun en Feldwebel an. In' Dezember 2015 hett se de Prüfung to en „Heilpraktikerin für Psychotherapie“ bestahn.[1]

Sportlich Loopbahn[ännern | Bornkood ännern]

Anfänge (2006 bit 2011)[ännern | Bornkood ännern]

Eerst internatschonale Insätze harr se 2006 in' Rahmen vun den Biathlon-Europacup vun de Juniorinnen. In Obertilliach reck se in hör eerst veer Rennen en veerten un twee fievte Plätze. Bi de Düütsch Meesterschapen 2008 reck Horchler mit Carolin Hennecke un Magdalena Neuner in dat Staffelrennen de dartbeste Tiet, wunn aber kien Medaille, wiel de Staffel buterhalv de Konkurrenz start weer. Ebenfalls mit good Ergevnissen verleep de Meesterschap 2010, bi de se in de Pokalwertung up Platz 8 keem un mehrere naamhafte düütsch Biathletinnen achter sück laaten kunn. Eerst to de Saison 2009/10 keem se nah 2006 mal weer to internatschonalen Insätzen in' IBU-Cup, den fröheren Europacup. All in hör eerst Sprint in Altenberg wunn se as 27. eerste Punkte. In de folgen Saison leep Horchler in Martell bi en Einzel achter Jewgenija Sedowa un Kjersti Isaksen as Dartplatzeerte eerstmals up en Podestrang. In den wiederen Saisonverloop keemen wiedere good Ergevnisse dorto. In Altenberg kunn se sowohl in`Sprint as ok in de Verfolgung hör Bestleistung bit up en tweeten Rang jewiels achter Iris Waldhuber verbetern. Vun de Biathlon-Europameesterschapen 2011 broch Horchler twee Bronzemedaillen mit nah Huus. Neben de Staffelmedaille – gemeensam mit Franziska Hildebrand, Susann König un Juliane Döll – schaff se trotz Platz 13 in' Sprint mit 1:22,2 Minüüt Rückstand noch den Sprung up dat Podest in de Verfolgung achter Juliane Döll un Marine Boillet. Dör hör good Leistungen in' IBU-Cup harr sück Horchler för dat Weltcupfinale vun de Saison 2010/11]] Midden März in Oslo qualifizeert. Hör Weltcupdebüt bi den Sprint an' Holmenkollen hett se mit en Scheetfehler up Platz 32 afslooten, wovör se glieks negen Weltcuppunkte recken dee. Bi de Verfolgung verbeter se sück trotz dree Scheetfehler sogor noch Platz 27.

Saisons 2011 un 2012[ännern | Bornkood ännern]

In' Sömmer 2011 bi de düütsch Meesterschapen wies Nadine Horchler konstante Leistungen keem in Sprint un Eenzel jewiels den darten Platz. In de internen Pokalwertung keem se ebenfalls up Rang dree. Tosommen mit Carolin Hennecke un Franziska Hildebrand kreeg Horchler de Chance, sück in' Weltcup to bewiesen. Allerdings muss se sück mit en 35. Platz in' Sprint un en 39. Platz in de Verfolgung düütlich tegenöver Hildebrand slahn geven. So keem se de meeste Tiet vun den Winter weer in den IBU-Cup to'n Insatz. Nah en gooden Start dor leep dat denn aber ok nich mehr so good. Letztlich keem se up den veerten Platz in de Gesamtwertung. Bi de Biathlon-EM in Osrblie verpass se mit en veerten Platz in' Sprint un Platz 5 in' Enzel knapp en Medaille, wunn aber gemeensam mit Maren Hammerschmidt, Carolin Hennecke un Juliane Döll as in dat Vörjohr ok de Bronzemedaille in de Staffel.

Bi de [Düütsch Meesterschapen in' Sommer 2012 wunn Horchler ehrn eersten natschonalen Titel. Nahdem se bi den Sprint in Altenberg den veerten Platz reck, seker se sück een Dag later de Bronzemedaille in de Verfolgung. In' Einzel verfehl se bi deels windig Bedingungen an' Scheetstand blots een Schiev. So seker se sück vör Andrea Henkel un Franziska Hildebrand de Goldmedaille. In' Massenstart wunn se dorto noch de Sülvermedaille.

WM-Deelnahm un Olympiaqualifikatschoon (2012 bit 2014)[ännern | Bornkood ännern]

Af de Saison 2012/2013 hörr Horchler to de düütsch Weltcupmannschap. Platz 10 in de Verfolgung in Hochfilzen weer hör eerste Top-Ten-Platzeeren in' Weltcup. Nah en veerten Platz in Hochfilzen in hör eerst Staffelinsatz in' Weltcup seker se sück as Slusslöperin mit Tina Bachmann, Miriam Gössner un Franziska Hildebrand in Oberhof hör eerst Podiumsplatzeeren in' Weltcup. Grundlaag för hör good Ergevnisse weer hör dörgahns good Scheetleistungen, in't Loopen kunn se mit de Weltlspitze nich mithollen. Midden Januar reck Nadine Horchler in Antholz bi dat Sprintrennen un bi de ansluuten Verfolgung jewiels den fievten Platz un dormit de bit dorhen best Platzeeren in hör Loopbahn. In dat Staffelrennen bleev se weer fehlerfree un wunn gemeensam mit Franziska Hildebrand, Miriam Gössner un Andrea Henkel hör eerst Weltcuprennen.

In de Saison 2013/2014 wurr Horchler nich mehr för de Weltcupmannschap nomineert. Se wunn in' Dezember in' Rahmen vun den BU-Cup Sprint un Verfolgung in Obertilliach un in' Rahmen vun den Düütschlandpokal dat Eenzelrennen un den Sprint in Ruhpolding. In Oberhof kreeg se en Weltcupinsatz, um sück för de Olympisch Winterspelen 2014 to qualifizeeren. Mit jewiels en 29. Platz in Sprint un Verfolgung hett se dorbi aber de internen Qualifikatschonskriterien vun den DSV düütlich verfehlt. Torüch in' IBU-Cup wunn se en wieder Rennen in Ridnaun. As in' eersten Weltcuprennen nah de Olympisch Spelen de düütsch Damenmannschap in dat sloweensch Pokljuka blots mit fiev Athletinnen an den Start gung, ofschons pro Rennen söss Startplätze to Verfügung stahn deen, hett se mit de Wöör: „Hallo, da sitze ich und muss mir den freien Startplatz vom Tv aus anschauen. Traurig aber wahr als Führende in der IBU-Gesamtwertung. lg“ up hör Facebooksiet hör Unmoot ütert. Horchler wurr doruphen vun den Cheftrainer Uwe Müssiggang för de letzt Saisonrennen in dat finnisch Kontiolahti un in dat norweegsch Oslo nomineert. An hör good Ergevnisse un hör good Loopleistungen ut den IBU-Cup kunn se aber bi disse Rennen nich anknütten. In veer Rennen keem se nie nich in de Punkteränge, un in Oslo kunn se sück nich för dat Verfolgungsrennen qualifizeeren. Twee Week nah dat Enn' vun de Weltcupsaison hett se sück in en Interview to schlecht Ergevnisse in' Weltcup ütert. Nah en swooren Stört in' Training kört för de Rennen in Kontiolahti truck se sück en Rippenprellung un en Prellung vun den Schullerknaken totrucken. En Start weer he blots mit Medikamenten gegen Pien mögelk.[2]

Gesamtsieg IBU-Cup un EM-Gold (2014 bis 2016)[ännern | Bornkood ännern]

För de Saison 2014/15 kreeg Nadine Horchler kien Kaderstatus vun dat DSV-Natschonalteam.[3] Nah en good Saisonvörbereiten in' Sommer schaff se aber weer nich den Sprung in de Weltcupmannschap. Ok de Ergevnisse in' IBU-Cup wurrn in' Vergliek to de Vörsaison schlechter, in de Folge hett se de Saison vör de Tiet afslooten. Dokters hemm later bi hör de Diagnose Övertraining faststellt, wat as Grund för de Verschlechterung vun hör Leistungen vermoot wurr. Se hett sück trotzdem dorför entscheeden, dat noch mal to versöken, ofschons se för de Saison 2015/16 weer nich för den Kader vun den DSV nomineert wurr.[4] Nah en dörwussen Start in de Saison un blots en Top-10-Platzeeren bi de Wettkämpen in Idre und Ridnaun wurr hör Leistung stabiler un se reck meest blots noch Platzeeren ünner de best Teihn as ok mehrere Podiumsplatzierungen. Bi de Biathlon-Europameesterschapen in Tjumen (Russland) wunn se vör hör Süster Karolin up den tweeten un Annika Knoll up den darten Platz dat Sprintrennen. Mit en stark Loopleistung kunn se hör Scheetfehler in stahnden Anslag un dormit den Tietverlust dör een Straafrunn up hör fehlerfree Süster utglieken un seker sück mit 12,7 Sekunnen Vörsprung de Goldmedaille. Dör hör konstant good Leistungen wunn se de Gesamtwertung vun den IBU-Cup 2015/16 as ok de Sprintwertung. Dör disse Ergevnisse hett se sück denn ok en persönlich Startrecht för den letzten Weltcup in Chanty-Mansijsk erarbeit. In' Sprint reck se dorbi den 31. Rang un verbeter sück in den Verfolgungswettkamp up Platz 29. För dat Massenstartrennen kunn se sück dorgegen nich qualifizeeren.

Erster Eenzelsieg in' Weltcup[ännern | Bornkood ännern]

Wegen de Leistungen in' IBU-Cup un bi de Europameesterschapen wurr Nadine Horchler vun den DSV weer in den Förderkader för de Saison 2016/17 upnommen. In' IBU-Cup is se glieks mit good Leistungen start, neben Platzeeren meest immer in de Top-10 reck se in Beitostølen un Ridnaun dat Podium. In' Januar 2017 hett se de krank wurrn Franziska Preuß bi den Weltcup in Oberhof ersett un is to'n eersten Mal överhoopt in en Weltcuprennen gemeensam mit hör Süster Karolin an den Start gahn. Nah Platz 35 in' Sprint verbeter se sück trotz veer Scheetfehler in de Verfolgung up Platz 17. Grundlaag för disse Stiegern weer de beste Looptiet binnerhalv vun de düütsch Mannschap. Bi den Weltcup in Antholz in Südtirol rück se för Miriam Gössner, de sück up de Europameesterschapen vörbereiten sull, in de Mannschap. Mit den 19. Platz in' Eenzelwettkamp seker se sück den letzten Startplatz in den folgen Massenstart. Dor legg Horchler mit en fehlerfree Scheeten den Grundsteen för en bannig good Ergevnis un gung as Tweetplatzeerte mit 4 Sekunnen Rückstand up Gabriela Koukalová in de letzt Runn. In' Teelsprint hett sück Nadine Horchler gegen de Gesamtsiegerin vun den Biathlon-Weltcup 2015/16 dörsett un wunn hör eerst Eenzelrennen in' Biathlon vör hör Trainings- un Mannschapskollegin Laura Dahlmeier un Koukalová.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Prüfung bestanden Nadine Horchler hör Fansite up facebook.com, afropen an' 26. Februar 2016
  2. Nadine Horchler: „Es kann alles nur besser werden“ merkur-online.de van' 3. April 2014, afropen an' 10. April 2014
  3. Kaderindeelen vun den DSV för de Saison 2014/2015 up biathlon-news.de, afropen an' 20. Mai 2014
  4. Horchler will's nochmal wissen, afropen an' 3. Juni 2015