Maren Hammerschmidt

Maren Hammerschmidt (2018)

Maren Hammerschmidt (* 24. Oktober 1989 in Frankenberg) is en düütsch Biathletin un Skilanglöperin.

Leven

Maren Hammerschmidt is de Twillinssüster vun Janin Hammerschmidt un leevt in Winterberg. De Tolloberwachtmeisterin start för den SK Winterberg. Se wurrd vun Carsten Pieper, tovör vun Thomas Pawliczek un Bernhard Kröll traineert. Siet August 2008 hörrt se to dat Toll Ski Team.

Loopbahn

Hammerschmidt hett hör eerst internatschonal Rennen in’ Rahmen vun dat European Youth Olympic Festival 2007 in Jaca bestreeden, wo se Fievte in dat Sprintrennen wurr un in dat Verfolgungsrennen de Bronzemedaille wunn. Bi de Biathlon-Juniorenweltmeesterschapen 2008 in Ruhpolding wurr se in’ Sprint Weltmeesterin vör Elise Ringen un hör Süster, full denn aber up Rang 9 torüch, wiels hör Süster in de Verfolgung Weltmeester wurr. In’ Eezel keem se denn blots up Rang 32, wunn aber mit de Staffel (mit hör Süster un Nicole Wötzel) hör tweeten Titel. Bi de Biathlon-Juniorenweltmeesterschapen 2010 in Torsby keem se in’ Eenzel blots up Platz 21 wunn aber in’ Sprint de Goldmedaille vör Sophie Boilley un Synnøve Solemdal.

Gegen Enn’ vun de IBU-Cup 2009/10 geev Hammerschmidt hör internatschonal Debüt bi de Fruen un keem glieks in hör eerst Sprintrennen up den 10. Platz. Dat Johr drup reck se as best Ergevnis en Rang 6 bi en Sprint in Ridnaun. In de IBU-Cup-Saison 2011/12 wunn se de Gesamtertung, Sprint un Eenzel un keem in de Verfolgung up den Gesamtrang 4. In de Saison is se denn ok eerstmals in’ Weltcup insett wurrn un hett dor mit Platz 34 hör eerst Weltcuppunkte sammelt. In de folgen Johren keem se denn aber nich mehr so richtig vöran.

An’ 29. November 2015 reck se gemeensam mit Daniel Böhm in dat sweedsch Östersund in de Single-Mixed-Staffel den darten Platz achter de Teams ut Nowegen un Kanada.. In de Johren tovör harr se man blots selten to dat düütsch Weltcup-Team hörrt. Hör bit dorhen best Resultat bi de Utwussen reck se an' 11. Dezember 2015 as se in' Weltcup-Sprint vun Hochfilzen den 2. Platz achter Franziska Hildebrand (bi de hör eerst Sieg) aber vör Miriam Gössner belegg. En Dreefack-Sieg vun düütsch Fruen bi en Weltcup harr dat över veer Johr lang nich geven. Den 2. Platz kunn se in de ansluuten Verfolgung hollen. Ditmal wunn Laura Dahlmeier. Den darten tweeten Platz an dat Weekenenn' hett se sück denn noch mit de Staffel an de Siet vun Franziska Preuß, Vanessa Hinz un Franziska Hildebrand haalt. In Pokljuka kunn se sück eerstmals för en Massenstart in' Weltcup qualifizeeren un reck den 14. Rang. In Ruhpolding is se weer in' Massenstart antreeden un wurr up Platz fiev wert, nahdem se sück in' Teelsprint noch mit Tiril Eckhoff verhaken dee un över Kopp gung. In de Staffel wurr se nah twee Straafrunnen vun Miriam Gössner up den elften Platz mit meest twee Minüüt Rückstand up de Tipp in dat Rennen schickt. Mit en stark Leistung un de best Looptiet broch se de Staffel aber noch up den tweeten Platz un övergeev mit 28 Sekunn Rückstand up Laura Dahlmeier, de sück to'n Sluss blots Olena Pidhruschna in' Teelsprint slahn geven muss. De Rennen in Antholz, Canmore un Presque Isle hett Hammerschmidt utlaaten, um sück up de Biathlon-Weltmeisterschaften 2016 vorzobereiten. Wegen hör good Platzeeren wiels de Saison un hör Leistungen in Oslo wurr se för de Staffel nomineert un wunn gemeensam mit Franziska Preuß, Franziska Hildebrand un Laura Dahlmeier de Bronzemedaille un dormit hör eerst Medaille bi Weltmeesterschapen.

Weblenken

Maren Hammerschmidt. Mehr Biller, Videos oder Audiodateien to’t Thema gifft dat bi Wikimedia Commons.

• Offizielle Websteed vun Maren Hammerschmidt
• Websteed vun de Hammerschmidt-Twillings
• Maren Hammerschmidt in de Datenbank vun de IBU (engelsch)
• Maren Hammerschmidt in de Datenbank vun de FIS (engelsch)
• Porträt bi dat Toll Ski Team