Daniel Böhm
Daniel Böhm (* 16. Juni 1986 in Clausthal-Zellerfeld) is en ehmalger düütsch Biathlet.
Karriere
[ännern | Bornkood ännern]De in Clausthal-Zellerfeld leven Daniel Böhm start för den SC Buntenbock. Siet 2005 is he in internatschonalen Wettkämpen dorbi un kunn vun Anfang an völ Erfolge haalen. Neben en sössten Platz in' Eenzel wunn Böhm all in 2006 mit de Staffel bi de Juniorenweltmeesterschapen. Noch spoodriker weer he 2007, as he neben Staffelgold (mit Simon Schempp, Sebastian Berthold un Christoph Stephan) twee Sülvermedaillen in Sprint un Verfolgung wunn un ok in' Eenzel mit den veerten Platz en bannig good Ergevnis infohren dee. Sien eerst Sieg in en Europacuprennen hett he an' 8. März 2008 in dat italieensch Cesana haalt, wo he den Sprint wunn.
De Saison 2008/09 fung för Böhm in' IBU-Cup recht spoodriek, to'n Johreswessel weer he Tweet in de Gesamtwertung. De good Leistungen hemm hüm en Nomineeren för dat Sprintrennen in Oberhof in' Biathlon-Weltcup inbrocht. Böhm kunn ok hier övertüügen un leep bi een Scheetfehler up Platz 29 un wunn dormit ok sien eerst Weltcuppunkte. Bi de Europameesterschap 2009 wunn he in de Verfolgung Gold un mit de Staffel Sülver. Nah de Europameesterschap wurr Böhm weer för den Weltcup nomineert un leep in' Eenzel vun Vancouver unverwacht achter de ebenfalls unverwacht Sieger Vincent Jay up den tweeten Platz. Twee Daag dornah wurr he in' Sprint 20. An den Dag dorup keem he to sien eerst Insatz in en düütsch Staffel. Gemeensam mit Schempp, Arnd Peiffer un Michael Rösch bill he de jüngste jemals in' Weltcup för Düütschland start Staffel un wurr mit hör Dart. För de Olympisch Spelen 2010 funn he kien Berücksichtigung un hett in den Olympiawinter ok blots Rennen bi de Heim-Weltcups in Oberhof un Ruhpolding as ok de Rennen to'n Saisonabschluss an' Holmenkollen un in Chanty-Mansijsk in de hööchste Rennserie bestreeden. Bi de Biathlon-Europameesterschapen 2010 in Otepää wurr Daniel Böhm eerstmals Europameester in' Sprint. In den Weltcup-Winter 2010/2011 keem Böhm nah den Rücktoog vun Simon Schempp in Ruhpolding to'n eersten Weltcup-Einsatz un keem mit Platz 12 un 15 in Sprint un Verfolgung to ganz good Platzeeren. De Starts in Antholz hemm hüm an' 23. Januar 2011 in de Staffel tosommen mit Christoph Stephan, Arnd Peiffer un Michael Greis den eersten Sieg brocht un bi de nächste Weltcup-Statschoon in Presque Isle stunn he as Slusslöper vun de Mixed-Staffel weer up Rang 1. Sien bit nu tweetbest Eenzelergevnis schaff he in dat Uptaktrennen vun de nächst Weltcup-Statschoon in Fort Kent, as he in' Sprint nah en fehlerfree Scheetleistung up Rang fiev rinkeemn. Bi de Biathlon-Europameesterschapen 2012 in Osrblie wunn Böhm mit Matthias Bischl, Johannes Kühn un Erik Lesser weer den Titel in dat Staffelrennen as ok den Titel in' Eenzel un Bronze in' Verfolgungsrennen. Mit fiev Titeln un insgesamt söben Medaillen is Böhm bit hüüd (Stand 2015) spoodriekst männlich düütsch Deelnehmer an Europameesterschapen in' Biathlon.
In' März 2015 wurr Böhm eerstmals gemeensam mit sien Kollegen Erik Lesser, Arnd Peiffer un Simon Schempp Weltmeister mit der Staffel. In de Mixed-Staffel keem he gemeensam mit Luise Kummer, Franziska Hildebrand un Benedikt Doll up den 6. Platz.
To de Saison 2015/16 reck he an’ 29. November 2015 gemeensam mit Maren Hammerschmidt in dat sweedsch Östersund in de Single-Mixed-Staffel den darten Platz achter de Teams ut Nowegen un Kanada.[1]. Ansonsten leep de Saison för hüm nich so good. Dat best Ergevnis bleev denn Platz 14 in’ Sprint bi de eerste Weltcupstatschon in Östersund.
An' 11. Dezember 2016 geev Böhm bekannt, dat he sien Loopbahn an dat Enn' vun dat Johr afsluuten wull. He plaant, en Utbillen to'n Hubrauberpiloten to maaken.
