Matthias Bischl

Vun Wikipedia
Zur Navigation springen Zur Suche springen

Matthias Bischl (* 21. August 1988) is en ehmalger düütsch Biathlet.

Matthias Bischl is Sportsuldat, leevt in Obersöchering un löppt för den SV Söchering. Ofschons he all lang in den wiederen Kreis van de düütschen Natschonalkader stunn, kunn he sück lang Tiet nich för internatschonale Wettbewarfen qualifizeeren, nich för den Biathlon-Weltcup, den IBU-Cup un ok nich för Rennen in‘ Junioren-IBU-Cup, de Junioren-Weltmeesterschapen oder Junioren-Europameesterschapen.[1] Grund weern neben stark Leistungen vun anner düütsch Athleten ok immer weer Besehren.[2] Spood harr he aber up natschonaler Ebene oder in‘ Alpencup. Siet de Saison 2009/10 hörrt Bischlto de Lehrganggrupp 1b van den DSV.

Sien eerst internatschonalen Rennen kunn he to’n Uptakt van de Saison 2011/12 in‘ IBU-Cup bestrieden. Eerst Rennen wurr en Sprint in Östersund, bi dat he as 25. Glieks in de Punkteränge leep. Bi en wiederen Sprint an sülvig Stäe kunn he sück noch an dat sülvig Weekenenn‘ bit up en 13. Platz verbeetern. Sien länger Tiet best Eenzel-Ergevnis weer en 12. Platz, reckt bi en Sprint in Ridnaun. En eerste Podiumsplatzeeren reck Bischl in' Januar 2012 bi en Staffelrennen in Haute Maurienne, bi dat he an de Siet vun Fabian Bekelaer, Benedikt Doll un Daniel Graf achter de Staffeln ut Norwegen un de Ukraine up den darten Platz keeem. 2009 bit 2011 wunn he an de Siet vun sien Trainingspartnerin Magdalena Neuner den City Biathlon in Garmisch. Bi de Biathlon-Europameesterschapen 2012 in Osrblie wunn Bischl mit Daniel Böhm, Johannes Kühn un Erik Lesser weer den Titel in dat Staffelrennen. 2014 wunn he an de Siet van Michael Willeitner, Benedikt Doll un Florian Graf noch mal en Bronzemedaille.

Mit Anfang vun de Saison 2015/2016 reck he bi en Sprint in dat sweedsch Idre as Dart eerstmals in' IBU-Cup en Eenzel-Podestplatz.

In' Weltcup-Winter 2015/16 keem Bischl bi den Sprint in Hochfilzen to sien eerst Weltcup-Insatz. Mit sien 58. Rang in' Sprintrennen hett he sück ok för dat folgen Verfolgungsrennen qualifizeert, dat he up Platz 49 afslooten hett. An dat Enn‘ van de Saison reck he mit 4 Punkten Platz 101.

Ok in de Saison 2016/17 keem he in' Weltcup to'n Insatz un reck bi den Sprint in Ruhpolding mit Platz 16 sien best Ergevnis. In de Gesamtafreken keem he up Platz 60. In dat Johr 2017 wunn he – gemeensam mit Anna Weidel – weer den City Biathlon in Garmisch.

In'n April 2018 hett Bischl sien Rückträe vun den aktiven Leistungssport bekannt geven.

Weblenken[ännern | Bornkood ännern]

Commons-logo.svg Matthias Bischl. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Kein Startplatz für Bischl im Europacup
  2. Biathlet Matthias Bischl will nach krankheitsbedingten Ausfällen angreifen