Meyerhoff (Gemeen Bomlitz)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29699 | |
| Vörwahl: | 04262 | |
| Geograafsche Laag: | Koordinaten:52° 57′ N, 9° 38′ O52° 57′ N, 9° 38′ O | |
|
| ||
De Meyerhoff (hoochdüütsch Meyerhof) is een von de Hööv, ut de sik de Oort Ohrsen tohoopsett. Dat liggt in de Gemeen Bomlitz in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Ohrsen.
Geografie
[ännern | Bornkood ännern]De Oort liggt in de Lümbörger Heid. Dat Water ut dat Rebeed flütt över de Warnau af. In’n Westen liggt dat Naturschuulrebeed Oddinger Ossenmoor.
De Naveröörd sünd Oddingen un Riepholm in’n Noorden, Eitze un Wolten in’n Noordoosten, Löverschen in’n Oosten, Bommessen in’n Süüdoosten, Ohrsen in’n Süden, Hilligensehl in’n Süüdwesten, Kedenborg in’n Westen un Visselhöövd in’n Noordwesten.
Historie
[ännern | Bornkood ännern]De Oort höört von öllers bi de Buurschop un Gemeen Oost-Ohrsen mit bi, de sik later mit West-Ohrsen to de Gemeen Ohrsen tohoopslaten hett. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Bomlitz worrn. Sietdem höört de Oort to de Oortschop Ohrsen, de en egen Oortsvörsteiher hett.
De Meyerhoff is as Bodenkmaal schuult.
Religion
[ännern | Bornkood ännern]De Meyerhoff is evangeelsch-luthersch präägt un höört to dat Kaspel von de Johannes-de-Döper-Kark in Wasra.
För de Kathoolschen is de St.-Maria-von’n-hilligen-Rosenkranz-Kark in Soltau tostännig.
Weertschop un Infrastruktur
[ännern | Bornkood ännern]För’n Meyerhoff is de freewillige Füürwehr Jarl-Ohrsen mit tostännig.
Verkehr
[ännern | Bornkood ännern]An’n Meyerhoff langs löppt de Kreisstraat 129, de in’n Noorden na de Bundsstraat 440 geiht un in’n Süden över Jarl un Cordingen na de Landsstraat 161 bi Wasra. De B 440 föhrt in’n Noordwesten över Oddingen un Visselhöövd na Rodenborg un in’n Süüdoosten an Bommessen langs över Kraug na Derpmark.
De nächste Autobahn is de Autobahn 7 (Afsnidd Hamborg–Hannover). De Opfohrt 46 Derpmark liggt so 14 Kilometer in’n Süüdoosten von’n Meyerhoff an de B 440. De Opfohrt 27 Wasra-West op de Autobahn 27 (Afsnidd Bremen–Wasra) liggt so 14 Kilometer in’n Süüdwesten an de B 209.
De nächste Bahnhoff is so bi söven Kilometer wied weg in’n Noordwesten de Bahnhoff Visselhöövd an de Bahnlien Ülzen–Langwedel. Von 1890 bet 1980 hett dat ok Personenverkehr op de Bahnlien Bremervöör–Wasra geven. De Bahnhoff Jarl leeg en Stück in’n Süüdwesten von’n Meyerhoff.