Central River
Dit Woort hett noch annere Bedüden: kiek dorför ünner Central River Region un Grand Central River.
| Central River | ||
|---|---|---|
| Laag | Belize | |
| ||
| Stroomsystem | Rio Grande | |
| Läng | 16 km | |
| Afströömrebeed | 51 km² | |
| Born | in de Maya-Bargen | |
| Münn | versickert | |
| Koordinaten Münn: | Koordinaten:16° 28′ N, 89° 6′ W16° 28′ N, 89° 6′ W | |
| linke Blangenströöm | Meerman Creek | |
| rechte Blangenströöm | Pesario Creek | |
 | ||
De Central River is en 16 Kilometer langen Stroom in’n Distrikt Toledo von Belize.
De Stroom hett sien Born in de Maya-Bargen en poor Kilometer in’n Süüdwesten von’n Doyle’s Delight. Achter’n Bargkamm von de Maya-Bargen, de hier en Waterscheed billt, liggt de Distrikt Cayo un dat Water flütt över’n Matola Branch von’n Chiquibul River af. Von dor flütt de Central River na Süüdoosten un nimmt von links dat Water von’n Meerman Creek op un von rechts von’n Pesario Creek (all beid so bi fiev Kilometer lang). Bi 16° 25′ N, 89° 1′ W versickert dat Water in’n Karstbodden. Ünnereerdsch is de Central River denn mit’n Rio Grande verbunnen, de later in de Karibische See flütt.
Dat kumplette Rebeed, in dat de Stroom löppt, is Oorwoold un dor leevt keen Minschen. De nächsten Öörd sünd 15 Kilometer in’n Süden Na Lum Cah, Crique Jute, San Pedro Columbia un San Miguel. De Oorwoold is as Deel von de Columbia River Forest Reserve un de Bladen Nature Reserve schuult.
