Mairie Oolwarder
De Mairie Oolwarder weer in de Franzosentied (1810 bet 1813) een von de dree Mairien, in de de Kanton Willemsborg indeelt weer. De Seet weer in Oolwarder. Se harr 2759 Inwahners.[1]
Historie[ännern | Bornkood ännern]
De Ümgegend von Oolwarder hett vör de Franzosentied to de Vaagdie Oolwarder von dat Amt Horborg un de Vaagdie Neehoff von dat Amt Willemsborg in dat Förstendom Lümborg höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Oolwarder een von de veer Mairien in’n Kanton Willemsborg von’n Distrikt Horborg, Departement von de Nedderelv.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Oolwarder weer nu een von de dree Mairien in’n Kanton Willemsborg, Distrikt Hamborg, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de dree Mairien Oolwarder, Neehoff un Finkwarder (all dree in’n Kanton Willemsborg) höört harrn un tosätzlich en Reeg von Elvwarders, de vörher to de Stadt Hamborg höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd[ännern | Bornkood ännern]
Dor hebbt düsse Öörd tohöört:
- Königriek Westfalen:[2]
- Kaiserriek Frankriek:[1]
- Oolwarder mit Krusenbusch (1015 Inwahners), Klütjenfeld (14), Ross (46), Neehoff (310), Waltershoff, Griesenwarder (104), Dradenau (66), Finkwarder (1204)
Vondaag sünd düsse Öörd all Deel von de Stadt Hamborg.
Footnoten[ännern | Bornkood ännern]
- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 45
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 45