Distrikt Hamborg

Vun Wikipedia
Zur Navigation springen Zur Suche springen

De Distrikt Hamborg (oder Arrondissement Hamborg) weer as Distrikt en Verwaltungsrebeed in de Franzosentied (1811-1813). De Seet weer Hamborg. Ünnerpräfekt weer Alfred de Chastellux.

Historie[ännern | Bornkood ännern]

Dat Rebeed hett vörher to de Fre’e Rieksstadt Hamborg un dat Hertogdom Bremen binnen dat Kurförstendom Hannover höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr. Dat Amt Willemsborg is denn to’n Kanton Willemsborg in’n Distrikt Horborg von dat Departement von de Nedderelv worrn.

Man al to’n 1. Januar 1811 harr dat wedder en Enn. Dat Königriek Westfalen müss dat Rebeed direkt an dat Franzöösche Kaiserriek afgeven. Ok Hamborg is an Frankriek fullen. Ut Hamborg un Willemsborg is de Distrikt Hamborg billt worrn. De Distrikt Hamborg weer een von de veer Distrikte, ut de dat franzöösche Departement von de Elvmünnen tohoopsett weer.

1813/1814 sünd de Franzosen slahn un dat Rebeed befreet worrn. De Stadt Hamborg un dat Kurförstendom Hannover sünd denn wedder herstellt worrn un de ole Stand von vör 1810 weer wedder dor.

De Distrikt harr 137.540 Inwahners un weer indeelt in negen Kantons. Söss Stadtkantons un dree Landkantons: