Leó Forgács

Vun Wikipedia
Zur Navigation springen Zur Suche springen
Leó Forgács

Leó Forgács (ok Leo Fleischmann; * 5. Oktober 1881 in Budapest; † 17. August 1930 in Berettyóújfalu) weer en ungarsch Schachspeler.

Leó Forgács düük bi internatschonalen Turnieren eerstmals 1902 in Hannober up, wo he twee lütt Turniere winnen dee. 1904 keem he in dat Rice-Gambit-Turnier in Monte Carlos aber blots up den 6. un dormit letzten Platz. In Coburg in dat glieker Johr bi den 14. Kongress van den Düütschen Schachbund reck he den 10. Platz aber noch vör Horatio Caro[1].

Sien gröttste Erfolg weer aber woll de Sieg in dat B-Turnier 1905 in Barmen vör Rudolf Swiderski, Wilhelm Cohn un Hans Fahrni. So bekannt Speler as Rudolf Spielmann un Aaron Nimzowitsch weern noch wieder achtern. In Nürnbarg 1905 reck he Platz 3 gemeensam mit Carl Schlechter aber vör Michail Tschigorin un Hersz Salwe[2]. 1907 wurr he ungarsch Landsmeester. 1909 in St. Petersburg reck dat blots för den 14. Platz vör Amos Burn, Milan Vidmar un annern. 1910 in Hamborg bi den 17. DSB-Kongress[3] deel he sück Platz 9 mit den Düütschen Siegbert Tarrasch. In San Remo 1911 leep dat wat beter. Hier keem he up den darten Platz noch vör Boris Kostić, Dawid Przepiórka, Isidor Gunsberg un Richard Réti. Sien letzt Turnier weer 1913 in Budapest, wo he up den darten Platz keem. Dornah hett he sück van dat aktiv Schach torüchtrucken.

In Düütschland speel he ünner de Naam Leo Fleischmann. He is utwannert un hett sück denn later Leo Forgács nömmt. Sien hööchst historsch Elo-Tall weer 2681, de he in’n April 1908 recken dee.

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. Das Internationale Turnier Coburg 1904 (14. DSB-Kongress) up TeleSchach (Krüüztabell un all Partien)
  2. Das Internationale Turnier Nürnberg 1906 (15. DSB-Kongress) up TeleSchach (Krüüztabell un all Partien)
  3. Das Internationale Turnier Hamburg 1910 (17. DSB-Kongress) up TeleSchach (Krüüztabell un all Partien)