Rudolf Swiderski

Vun Wikipedia
Zur Navigation springen Zur Suche springen

Rudolf Swiderski (* 28. August 1878 in Leipzig; † 2. August[1] 1909 ok dor) weer en düütsch Schachmeester.

Leven un schachliche Loopbahn[ännern | Bornkood ännern]

Swiderski weer de Söhn vun den Fabrikanten Philipp Swiderski. He hett van 1892 bit 1894 dat Königliche Gymnasium in Leipzig besöcht.[2] Neben dat Schachspeel hett he Musik studeert. 1896 is he de Schachgesellschaft Augustea in Leipzig bitreeden. In dat sülvig Johr hett he ok eerstmals en Turnier bi den DSB-Kongress in Iesenack deelnommen. In dat Gruppen-Hööftturnier keem he aber över de Vörrunn nich herut. In München 1900 in dat Hööftturnier A leep dat aber beter. Mit 17 Punkten ut 21 Partien wunn he de Meesterwürde vun den Düütschen Schachbund.

Swiderski weer in de Johren 1902 bit 1908 en vun de völversprekendsten düütsch Schachmeester. Sien gröttsten Erfolge weern de Sieg in dat Meesterturnier vun den Düütschen Schachbund in Coburg 1904[3] (deelt mit Curt von Bardeleben un Carl Schlechter vör Ossip Bernstein, Georg Marco usw.) un in Rice-Gambit-Turnier Monte Carlo 1904 (deelt mit Frank James Marshall vör Jacques Mieses, Georg Marco un annern). 1905 wurde he in dat B-Turnier vun den Barmer Schachkongress Tweet achter Leó Forgács aber vör Wilhelm Cohn un Hans Fahrni. Swiderski hett Siege gegen völ Grötten vun sien Tiet schafft, he hett ünner annern 1907 in internatschonale Turnier vun Oostenn (ünner de Priesdräger keem he dorbi nich) sowohl Akiba Rubinstein as ok Joseph Henry Blackburne.

Sien best historsch Elo-Tall vun 2629 reck Swiderski in’n April 1904. Dormit stunn he up Platz 16 in de Weltranglist.

Doodsumstände[ännern | Bornkood ännern]

Swiderski hett an’n 30. Juli 1909 sien letzt Turnierpartie in en Leipziger Klubturnier speelt. He wurr dormit Turniersieger, kunn aber den Pries nicht mehr entgegennehmen, wiel he wenig later storven is. Dat letzte Levensteeken stammt vun den 2. August. An dissen Dag oder wenig later hett he sück sülvst umbrocht. He nehme erst Gift un hett sück denn doodschaaten.

To sien Beweggrünnen gifft dat sück wedderspreeken Borns. Nah Angaven vun de Deutsche Schachzeitung hett Swiderski ünner en Krankheit leeden, de he sück up disse Wies enttrucken harr („Am 12. August schied Swiderski aus eigener Entschließung aus dem Leben. Unzufrieden mit seinen Lebensverhältnissen und von Krankheit heimgesucht, zog er den Tod einer notwendig gewordenen Operation vor.“).[4] In Meyers Schach Lexikon is allgemeen vun „geistiger Umnachtung“ de Reed.

Vör allen engelschsprakige Borns verwiesen up Probleme vun anner Aart. Demnah wurr he in’n Tosommenhang mit en Leevstenaffäär wegen Meineed beschuldigt un weer dorum ok all Veroordeelt wurr. [5]

Weblinks[ännern | Bornkood ännern]

Commons-logo.svg Rudolf Swiderski. Mehr Biller, Videos oder Audiodateien to’t Thema gifft dat bi Wikimedia Commons.

Enkald Nahwiesen[ännern | Bornkood ännern]

  1. Doodsdatum luut den American Chess Bulletin, Oktober 1909, S. 227, vgl. E. G. Winter: Chess Facts and Fables. 2005, S. 149, bzw. Chess Notes Nr. 4728
  2. König Albert-Gymnasium (bit 1900 Königliches Gymnasium) in Leipzig: Schüler-Album 1880-1904/05, Friedrich Gröber, Leipzig 1905
  3. Das Internationale Turnier Coburg 1904 (14. DSB-Kongress) up TeleSchach (Krüüztabell un sämtliche Partien)
  4. Deutsche Schachzeitung, September 1909, S. 286.
  5. The Scotsman un Western Times (London) hemm gliekluutend an’n 12. August meld "Allegations of perjury in connection with a love affair had been made against the deceased, and it is supposed that fear of legal proceedings was the motive which led to the tragedy." DieTrenton Evening Post schreev an’n 11. August "Swiderski was recently convicted of perjury in a trial that involved him in a disgraceful scandal."