Georg Marco

Vun Wikipedia
Zur Navigation springen Zur Suche springen
Georg Marco, etwa 1910

Georg Marco (* 29. November 1863 in Czernowitz; † 29. August 1923 in Wien) weer en öösterrieksch Schachmeester un -publizist.

Leven[ännern | Bornkood ännern]

Nahdem Marco in Wien ansässig wurrn weer, hett he sück bannig an dat Wiener Schachleven bedeeligt. Erfolge in Schachcafés un Klubs hemm hüm dermaaten bekannt maakt, dat he sück ok an internatschonal Wettstrieden bedeeligen kunn. So wurr he ünner annern in Dresden 1892 Veert, in Wien 1895 Eerst (sien best Ergevnis), in Wien 1897 Dart, in Monte Carlo 1903 Fievt, in Wien 1903 weer Dart (vör Harry Nelson Pillsbury, Geza Maroczy, Jacques Mieses un annern) un in Stockholm reck he 1912 nochmal den darten Platz (vör Adolf Olland und Rudolf Spielmann).

Marco hett jeweils in Wien twee Wettkampen mit Carl Schlechter: 1893 (+0, -0, =10, also all Parrtien unentscheeden) un 1894 (+4, -4, =3) remis hollen kunnt. 1901 wunn he in Karlsbad gegen Adolf Albin mit 6:4 (+4, -2, =4). Wiels de Atlantik-Överfohrt vun dat Turnier in Cambridge Springs 1904 torüch nah Europa speel he up den Steamer Pretoria en Thema-Wettkamp (Aflehnt Königsgambit) gegen David Janowski speelt, den he 2:4 (+2, -4, =0) verlor.

Sien best historsch Elo-Tall vun 2673 reck he in' Juni 1906.[1] To disse Tiet hörr he to de teihn best Speler vun de Welt.

Marco gull wegen sien bannig soliden Speelstil as Remismeester. Wegen sien Körperfülle wurr he ok ut Jux „Groß-, Dick- und Breitmeister“ nömmt.

Düchtig bekannt wurr he in de Schachwelt vör allen aber as Publizist. He geev Turnierböker herut to de Turniere Wien 1903 un 1908, Ostende 1906, Karlsbad 1907, Baden bi Wien 1914 u. a. To den Wettkamp Lasker-Tarrasch 1908 geev he en Wettkampbook herut. 1924 keem postum en vun hüm gemeensam mit E. Mazel verfaat Book to Schachkompositschoon: Meister des Problems, Wien 1924, herut. He hett ok sülvst eenige Schachupgaven verfaat.

Bit to sien Tod weer he „Sekretär“ vun den Wiener Schachklub. Van 1898 bit 1914 weer Marco buterdem Chefredakteur vun de renommeerte Wiener Schachzeitung. In de Weekentietschrift Das Interessante Blatt hett he noch de Schachafdeelen betrüet.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Chessmetrics Player Profile 22. April 2006 (engelsch)