Joseph Henry Blackburne

Vun Wikipedia
Joseph Henry Blackburne. "De swaarte Dood"

Joseph Henry Blackburne (* 10. Dezember 1841 in Manchester; † 1. September 1924 in London) weer en engelschen Schachmester un een vun de beste Schachspelers in de tweete Hälft vun dat 19. Johrhunnert.

Leven[ännern | Bornkood ännern]

Blackburne weer vör sien Schachkarriere in en koopmännisch Berop tätig. Denn wurr he en bannig gooden Daamspeler. Mit 18 Johren hett he denn an en Simultanvöstellung vun Paul Charles Morphy deelnommen uni s denn sülvst mit Schachspelen anfungen. Nah en Maand speel he all sülvst 10 Blindpartien simultan un hett dorup henn dat Schachspeel to sien Berop makt. Man hett hüm bald „black death“, den „swaarten Dood“ nömmt, wiels he meest in en schäbig swaarten Anzug un en old, swaarten Zylinder to’t Schachspelen kommen de, aber ok, wiels he, ganz in de Sinn vun de romantisch Schachepoche, he en bannig gooden Angreep- und Kombinatschonsspeler weer. Man segg hüm iesern Nerven nah, aber ok, dat he bannig völ sapen hett.

Wat he schafft hett[ännern | Bornkood ännern]

In de Johren 1862 bit 1914 speel he up meest all bedüüdend Schachturnieren vun de Welt un weer meestens vörn dorbi. 1872 hett he in en Turnier in London Platz 2 belegt, achter Wilhelm Steinitz, ebenso in Wien 1873. He wunn dat Turnier in Wiesbaden 1880 (tosommen mit Englisch und Adolf Schwarz). Sien gröttste Spood weer de Sieg in Berlin 1881 vör Zukertort, Tschigorin, Winawer un anner groote Schachmeester. In Nürnbarg bi den darten Kongress vun de Düütsche Schachbund 1883 wurr he ok Tweet achter Winawer aber för Mason, Berger, von Bardeleben, Bird und annern. In Hamborg 1885 weer blots Isidor Gunsberg vör hüm platzeert, aber in Herefeord in England in dat sülvige Johr leeg he vör Bird, Schallopp, Mackenzie, Gunsberg, Mason un annern. Een Johr later in London wunn he nah en Steekkamp tegen Burn aber ok vör Gunsberg, Taubenhaus, Mason un annern. In dat Turnier vun Manchester 1890 wurr he Tweet achter Siegbert Tarrasch, aber vör Bird, Mackenzie, Gunsberg, Mason, Alapin un annern. Dornah gung dat aber mit sien Speelstärke sütje bargaf, ok wenn he t.B. in Berlin 1897 ok noch Mal Dart wurrn is vör Janowski, Burn, Alapin, Marco, Schlechter, Caro, Tschigorin, Schiffers, Metger usw.). Sien Karriere gung vör den Eersten Weltkrieg to Enn'. In St. Petersburg 19414 belegg he bi 11 Deelnehmers Platz 9 (tosommen mit Janowski) vör Gunsberg un deel sück in Chester aber noch mal de Sieg mit Yates vör Gunsberg. He weer nu aber ok ja all 73 Johr olt.

Blackburne geev ok Blindsimultanvörstellungen an bit to 116 Breder. Bekannt wurrn is he dör dat sogenannte Blackburne-Matt in dree Tüüg, dat toeerst in en vun sien Partien vörkeem, ebenso as dat Blackburne-Gambit bzw. Blackburne-Fall.

Literatur[ännern | Bornkood ännern]

  • Anderson Graham, P. (Hrsg.): Blackburne's Chess Games, Selected, Annotated and Arranged by Joseph Henry Blackburne. London 1899 (Nahdruck: Dover Publications, New York City 1979; ISBN 0-486-23857-1)
  • Owen Hindle: J. H. Blackburne, The Final Years. Nottingham 1998, ISBN 1-901034-11-9

Weblenken[ännern | Bornkood ännern]