Johannes Hermann Zukertort

Vun Wikipedia
Johannes Hermann Zukertort

Johannes Hermann Zukertort (* 7. September 1842 in Lublin; † 20. Juni 1888 in London) weer een poolschen Schachspeler.

To sien Tiet weer een van de starksten Schachspelers up de Welt. Sien Vader weer düütsch, sien Moder entstamm ut poolschen Adel. As he noch Kind weer, keem Zukertort nah Breslau und dor denn Schöler bi den grooten düütschen Schachspeler Adolf Anderssen. Duusende van Partien söölt de beid tegennanner speelt hemm, aber as Zukertort ruch weg 20 Johr old weer, harr he sien Meester inhaalt.

Van Zukertort vertellt man sück alle möglichen Dinge, wat he all kunn un worin he Meester weer. Dat Meeste sall aber nich stimmen. Richtig is aber, dat he bannig good Schach spelen kunn. 1872 hett he een Wettkamp mit 7 Verleeren, 1 Gewinnen und 4 Remis tegen Wilhelm Steinitz verloren, aber 1877 und 1878 Turniere Köln un Paris wunnen, un dorbi nich blots Anderssen besiegt, sondern ok Spelers as Simon Winawer und Joseph Henry Blackburne. Eben dissen Blackburne hett he 1881 in en Wettstriet nochmals besiegt. Sien gröttste Erfolg gelung hüm 1883 in London. Hier weer we he Winner vör Steinitz, Blackburne, Michail Tschigorin, Berthold Englisch, Mackenzie, Mason, Rosenthal, Winawer, Bird un annern.

Nu hull he sück för stark genog, ok gegen Weltmeester Wilhelm Steinitz to winnen, aber de Schöt gung nah achtern los. 1886 in New York kunn he blots 5 Mal winnen un 5 Mal Remis spelen, Steinitz wunn aber 10 Partien. Dornah gung dat mit Zukertort gau bargaf.

He hett woll noch een paar Turniere speelt, aber bold drop hüm de Slach un an de Folgen is he denn 1888 storven.

Literatur[ännern | Bornkood ännern]

  • Cezary W. Domański, Tomasz Lissowski: Der Großmeister aus Lublin. Wahrheit und Legende über Johannes Hermann Zukertort. Exzelsior Verlag, Berlin 2005, ISBN 3-935800-03-7.
  • Anton Olson: J. H. Zukertort. 201 partier. Stockholms Schackförbund, Stockholm 1912 (sweedsch).
  • Jimmy Adams: Johannes Zukertort Artist of the Chessboard. Caissa Editions, Yorklyn, 1989, ISBN 0939433095

Weblinks[ännern | Bornkood ännern]

Johannes Hermann Zukertort. Mehr Biller, Videos oder Audiodateien to’t Thema gifft dat bi Wikimedia Commons.