Knakenborg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04742 | |
| Geograafsche Laag: | Koordinaten:53° 42′ N, 8° 34′ O53° 42′ N, 8° 34′ O | |
|
| ||
Knakenborg (hoochdüütsch Knakenburg) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch al von öllers bi Dorum mit bi.
Geografie
[ännern | Bornkood ännern]De Oort liggt in de Masch von Land Wusten. Dat Water ut dat Rebeed flütt af över de Alsumer Waterlöös, de in de Dorumer Waterlöös münnt.
De Naveröörd sünd Oberhusen un Dorumer Marren in’n Noordoosten, Alsum in’n Süüdoosten, Dorum in’n Süden, Valge un Themeln in’n Süüdwesten, Heuhusen, Süderwarden un Padingbüddel in’n Westen un Kreienborg un Blickhusen in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort weer vör 1852 in dat Vallinger Veerdel von dat Kaspel Dorum un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
To’n 1. Januar 2015 is de Gemeen Dorum oplööst un Deel von de ne’e Gemeen Wuster Noordseeküst worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 6 Füürsteden |
| 1824[2] | 1 Füürsteed |
| 1. Dezember 1871[3] | 23 Lüüd, 4 Hüüs |
Religion
[ännern | Bornkood ännern]Knakenborg is evangeelsch-luthersch präägt un höört to dat Kaspel von de Urbanus-Kark in Dorum.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]An Knakenborg langs löppt de Kreisstraat 69, de in’n Noordwesten an de K 68 ran geiht un in’n Süüdoosten in Dorum an de Landsstraat 129. De L 129 geiht in’n Noordoosten na Millm an de L 135 un in’n Süüdwesten na Wremen, Dingen un Weddewarden. In Dorum geiht von de L 129 ok de L 119 af, de in’n Süüdoosten bi Holsseln an de L 135 geiht un denn wiederlöppt na Niewohl un Beers.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so acht Kilometer in’n Süüdoosten von Knakenborg an de L 119.
De nächste Bahnhoff is so bi twee Kilometer wied weg in’n Süüdoosten de Bahnhoff Dorum an de Bahnlien Bremerhoben–Cuxhoben.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 128
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 336
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153