Junior Eurovision Song Contest
De Junior Eurovision Song Contest (JESC) is en Aflegger vun den Eurovision Song Contest (ESC), an den junge Singers und Singersches ünner de ESC-Öllersünnergrenz vun 16 Johren deelnehmen künnt. Bit 2006 geev dat en Öllersünnergrenz vun 8 Johren, siet 2007 gellt de högere Grenz vun 10 Johren. Bit hüüt is de Veranstalten noch vun keen düütschen Senner utstrahlt worrn, un Düütschland hett ok noch nich an den JESC deelnahmen. De Leder mööt in de Natschonalspraak vun de Künstlers vördragen warrn un müssen bit 2007 ahn professchonelle Ünnerstütten vun jem sülvst in Text un Musik sülvst verfaat wesen. Siet 2008 drööft ok professchonelle Künstler an de Warken mithelpen.
Historie
[ännern | Bornkood ännern]Vörbild för den Musikwettstriet weer de skandinavische Melodi Grand Prix Nordic, de in’t Johr 2006 in en däänsch-norweegsch-sweedsche Tosamenarbeit produzeert worrn is. In’t däänsche Radio is en glieken Wettstriet al 2001 afhollen worrn, man blots op natschonale Even. De Europääsche Rundfunkunion (EBU) hett de Idee opgrepen un geev an Däänmark den Opdrag, den eersten Junior Eurovision Song Contest to veranstalten.
De apentlich-rechtlichen Senner vun Däänmark un Norwegen hebbt sik 2006 ut den Wettstriet torüchtogan. As Grund weer dorför angeven, dat de Kinner to starken Druck utsett weern. Doröver is kontrovers diskuteert worrn. Tosamen mit dat sweedsche Feernsehn sünd se to’n ollen MGP Nordic torüchkamen. In Sweden hett de Privatsenner TV4 den JESC den utstrahlt, man in de beiden annern Länner weer keen unafhangigen Senner intresseert mittomaken. De britische Senner ITV hett mit de Veranstalten in de letzten Johren keen go’e Inschaltquoten kregen un weer dorüm – ok siet 2006 – nich mehr intresseert, den JESC wieter uttostrahlen.
| Johr | Winner | Spraak | Interpret | Leed | Översetten | Oort |
|---|---|---|---|---|---|---|
| 2003 |  Kroatien
|
Kroaatsch | Dino Jelusić | Ti si moja prva ljubav | Du büst mien eerste Leef | Kopenhagen, Däänmark
|
| 2004 |  Spanien
|
Spaansch | María Isabel | Antes muerta que sencilla | Lever dood as gewöhnlich | Lillehammer, Norwegen
|
| 2005 |  Wittrussland
|
Russ’sch | Ksenia Sitnik | My wmeste | Wi sünd tosamen | Hasselt, Belgien
|
| 2006 |  Russland
|
Russ’sch | Tolmatschow-Tweeschen | Wesennij Dschas | Fröhjohrsjazz | Bukarest, Rumänien
|
| 2007 | Wittrussland
|
Wittruss’sch | Alexey Zhigalkovich | S druzyami | Mit Frünnen | Rotterdam, Nedderlannen
|
| 2008 |  Georgien
|
Fantasiespraak | Bzikebi | Bzzz | – | Limassol, Zypern
|
| 2009 | Nedderlannen
|
Nedderlännsch | Ralf | Click clack | Klick-klack | Kiew, Ukraine
|
| 2010 |  Armenien
|
Armeensch | Vladimir Arzumanyan[1] | Mama | Mama | Minsk, Wittrussland
|
| 2011 | Georgien
|
Georgisch | Candy | Candy Music | Snökermusik | Eriwan, Armenien
|
| 2012 | Ukraine
|
Ukrainsch | Anastasiya Petryk | Nebo | Himmel | Amsterdam Nedderlannen
|
| 2013 |  Malta
|
Engelsch | Gaia Cauchi | The Start | De Anfang | Kiew, Ukraine
|
| 2014 |  Italien
|
Italieensch, Engelsch | Vincenzo Cantiello | Tu primo grande amore | Du, eerste grote Leev | Marsa, Malta
|
| 2015 | Malta
|
Engelsch | Destiny Chukunyere | Not My Soul | Nich mien Seel | Sofia,  Bulgarien
|
| 2016 | Georgien
|
Georgisch | Mariam Mamadaschwili | Mzeo | Sünn | Valetta, Malta
|
| 2017 | Russland
|
Russ’sch, Engelsch | Polina Bogussewitsch | Wings | Flögels | Tiflis, Georgia
|
| 2018 |  Polen
|
Poolsch, Engelsch | Roksana Węgiel | Anyone I Want To Be | All, de ik sien wull | Minsk, Wittrussland
|
| 2019 | – | – | – | – | – | Gleiwitz, Polen
|
Deelnehmers
[ännern | Bornkood ännern]Bit nu hebbt 37 Liddmatenlänner vun de EBU tomindst eenmol an’n JESC deelnahmen:
Düütschland
[ännern | Bornkood ännern]Düütschland stünn op de Deelnehmerlist för den Junior Eurovision Song Contest 2003[2] un ok för den 2004, hett aver ahn Grünnen wedder torüchtogen. Bit hüüt (Stand: 2014) geev dat noch keen Deelnahm an den Wettstriet. De ARD wiest keen Intresse an den Wettstriet, man dat ZDF hett 2014 en Beobachter na den JESC schickt un wies sik intresseert 2015 deeltonehmen.
Tokamen Tieten
[ännern | Bornkood ännern]Nadem de Tall vun Deelnehmers 2004 en Hööchpunkt beleevt hett (18 Länner), is se dorna wedder torüchgahn. Dat weer sogor en Tiet lang nich kloor, wat de Veranstalten na 2007 noch wietergahn schüll. Dat Johr stegg de Tall wedder op 17, wiel siek in’t Johr 2009 blots noch 13 Länner tosamenfunnen hebbt. För 2010 hebbt sik na eenige Diskuschonen 14 Deelnehmerlänner funnen. Dat seeg längere Tiet nich seker ut mit dat Utdrägen vun’n Junior Eurovision Song Contest 2011, wat vör allen ok an’n Spood vun den Wettstriet 2010 hüng. Mitt vun’n Januar 2011 hett de EBU künnigt maakt, dat Armenien den Toslag för’t Utdrägen kregen harr.[3]
Möögliche tokamen Deelnehmers
[ännern | Bornkood ännern]Möögliche Kandidaten för den JESC sünd all Länner, de Liddmaten vun de EBU sünd un en Feernsehanstalt hebbt. Israel wull an sik al 2008 deelnehmen, hett sik aver kort vör’t Finale ut finanzielle Grünnen wedder torüchtogen. Ok Bosnien-Herzegowina wull al 2007 un 2008 dellnehmen, hett sik aver beid mol kort vör’t Finale torüchtogen. De EBU diskuteert butendem mit Däänmark un de Slowakei över jemehr Deelnahm an den JESC.
Borns
[ännern | Bornkood ännern]- ↑ http://eurovisiontimes.wordpress.com/2010/11/20/armenias-vladimir-arzumanyan-wins-junior-eurovision-song-contest-2011/#comment-1662
- ↑ Düütschland op de Deelnehmerlist vun de EBU to’n JESC 2003 (engelsch)
- ↑ esckaz.com Steering Group elected Armenia as Host Broadcaster.
Weblenken
[ännern | Bornkood ännern]
Junior Eurovision Song Contest. Mehr Biller, Videos oder Audiodateien to’t Thema gifft dat bi Wikimedia Commons.