Johann Levin von Schlepegrell
Johann Levin von Schlepegrell (* 1683 in Bookholt; † 18. Januar 1742 in Oosterholt) weer en düütschen Verwaltungsbeamten.
Von Schlepegrell is 1683 as Söhn von Ursula Sophia, borene Hodenberg (21. April 1660–31. Januar 1709), un Christoph Gebhard von Schlepegrell (1648–vör 1711) op dat Good Bookholt in dat Dörp Bookholt boren un in de Johannis-Kark in Visselhöövd döfft worrn.[1] He weer von 1697 bet to’n 27. Januar 1703 op de Ridderakademie Lümborg.[2] Von 1723 bet 1733 weer he Drost von dat Amt Veern un denn bet to sien Dood 1742 Drost von dat Amt Oosterholt. Tosätzlich weer he ok Landraad von de Ridderschop von dat Hertogdom Veern.
He hett üm 1712 Johanna Antoinetta Juliana Hedemann (1696–22. Februar 1770) freet.[1] De beiden harrn de Kinner Johann Christoph (1714–29. Januar 1774), Anna Charlotta Eleonora (23. August 1716–20. März 1723), Friderich Albrecht (29. September 1717–22. April 1719), Alexander Georg Ernst Wilhelm (14. Oktober 1718–26. November 1722), Ludewig (6. Dezember 1719–21. Februar 1723), Sophia Friederica (* 27. Dezember 1720), Cuno Hans Levin (1722–15. November 1801; later Drost von dat Amt Hagen), Charlotte Marie (* 14. Juli 1724), Dorothea Augusta Eleonora (* 3. November 1725) un Wilhelmine Johannetta Cornelia (27. April 1732–25. Februar 1752).[1] Von Schlegegrell is 1742 in Oosterholt doodbleven un in Visselhöövd begraven worrn.[1]
