Johann August Hintze
Johann August Hintze (* 17. August 1760 in Harpstäe; † 15. Dezember 1844 in Otterbarg) weer en düütschen Verwaltungsbeamten.
Hintze is an’n 17. August 1760 as Söhn von Juliane Elisabeth, borene Meier, un den Amtsschriever Georg Hinrich Hintze († 1811) in Harpstäe boren un dor an’n 19. August döfft worrn.
Hintze weer bet 1789 bi dat Amt Lüchow un is dor toletzt Amtsschriever supernumerär worrn. 1789 is he von dor in dat Amt Veern wesselt un weer dor ok Amtsschriever supernumerär.[1] Von dor is he 1790 as würklichen Amtsschriever na dat Amt Bremervöör gahn.[2] Von Bremervöör keem he as Amtsschriever in dat Amt Beers. Nadem 1795 de Amtmann von dat Amt Blomendal, Johann Christoph Rudorff, doodbleven is, is Hintze sien Nafolger worrn. Dat is he bet 1805 bleven. Von 1805 bet 1844 weer he denn Amtmann in dat Amt Otterbarg.
He hett an’n 31. Oktober 1800 in Lesum Margrete Sophie Beate Rudorff freet. De beiden harrn de Dochter Elisabeth Juliana (* 1801) un twee Söhns. Hintze liggt begraven in Otterst.
He weer Ridder von’n Guelphen-Orden un na em hett Hintzendörp sien Naam kregen.
Footnoten[ännern | Bornkood ännern]
- ↑ Annalen der Braunschweig-Lüneburgischen Churlande. Pockwitz, Hannover 1790, Band 2, Sied 187
- ↑ Annalen der Braunschweig-Lüneburgischen Churlande. Pockwitz, Hannover 1790, Band 4, Sied 1000