Jelena Wladimirowna Chrustaljowa

Vun Wikipedia
Zur Navigation springen Zur Suche springen
Jelena Chrustaljowa 2010

Jelena Wladimirowna Chrustaljowa (russisch: Елена Владимировна Хрусталёва; * 28. September 1980 in Krasnojarsk, Russische SFSR, Sowjetunion) is en ehmalge russische un wittrussische, nu kasachische Biathletin.

Jelena Chrustaljowa hett renommeert Sportuniversität Krasnojarsk afslooten. Se geev hör internatschonal Debüt bi de Junioreneuropameesterschapen 2000 in Zakopane. Se wunn hier Gold in’ Eenzel un mit de russisch Staffel. Bi de in lütt Sett dornah stattfinnen Juniorenweltmeesterschapen in Hochfilzen folgten Sülver in de Verfolgung achter Sabrina Buchholz un mit de Staffel, as ok veerte Plätze in’ Eenzel un in’ Sprint. Opletzt is se in’ Sömmer vun dat sülvig Johr ok noch bi de Juniorenweltmeesterschapen in Chanty-Mansijsk in’ Sömmerbiathlon start, wo se achter Tatjana Moissejewa Sülver wunn.

To de folgen Saison hett Chrustaljowa hör Staatsbörgerschap wesselt un is för Wittrussland an den Start gahn. Nu geev se in Hochfilzen ok hör Debüt in’ Biathlon-Weltcup. Hör eerst Ergevnis weer Platz 36 in’ Sprint. To Midden vun de Saison, kört vör de Olympisch Winterspelen 2002 kunn se in Antholz hör best Weltcupplatzeeren recken. In’ Eenzel un mit de Staffel keem se jewiels up den söbenten Platz, in de Verfolgung reck se sogor Platz söss. Bi de Spelen in Salt Lake City reck se en 33. Platz in’ Sprint, en 30. Platz in de Verfolgung un mit de Staffel en gooden söbenten Rang.

To de Saison 2003/04 wessel se weer to de russisch Staatsbörgerschap. Aber se wurr wegen de stark Konkurrenz meest blots up kontinentale Ebene insett. Bi de Europameesterschapen 2003 in Forni Avoltri wunn Chrustaljowa Gold in’ Eenzel un mit de russisch Staffel, 2005 in Nowosibirsk nochmals mit de Staffel. To de Saison 2006/07 wessel se nochmals de Staatsbörgerschap un löppt sietdem för Kasachstan. In’ Sömmer 2007 wunn se achter Natalia Sokolowa bi de Weltmeesterschapen in’ Sömmerbiathlon in Otepää jewiels de Sülvermedaillen in’ Sprint un in’ Massenstart. In’ Eenzelwettbewarf bi de WM 2009 reck Jelena Chrustaljowa mit den sössten Platz in’ Eenzel hör bit dorhen best internatschonale Platzeeren. Bi de Olympisch Winterspelen 2010 kunn se sück nochmals verbetern un wunn nah en 5. Platz in’ Sprint ok noch de Sülvermedaille in’ Eenzel achter Tora Berger, aber vör Darja Domratschawa, Kati Wilhelm, Weronika Nowakowska, Andrea Henkel un annern.

Vör de Olympisch Winterspelen 2010 leet Chrustaljowa för de kasachisch Utgaav vun Men’s Health Nacktfotos vun sück upnehmen. In’ Henblick up de Vörbereiten to de Wettkämpr hett dat Moskauer Boulevardblatt Komsomolskaja Prawda doruphen schreeven: „De eenen traineeren ieverg, de annern versöken, dör provozeeren Upträen Upmarksomkeit to erregen“[1][2]

Bi de Olympisch Winterspelen 2014 in Sotschi leep dat dorgegen för hör weniger goot. Mit de Staffel keem se blots up Rang 12 un hör beest Eenzelergevnis weer Platz 37 in de Verfolgung. Dormit weer se aber immer noch de best Deelnehmerin vun de kasachisch Biathlon-Fruenmannschap.

Enkeld Nahwiesen[ännern | Bornkood ännern]

  1. [1] Российская биатлонистка разделась перед Олимпиадой, vun Sergei Titow, Herutgever Komsomolskaja Prawda, van’ 28. Januar 2010, afropen an’ 29. September 2015 (russisch)
  2. [2] Silbermedaille in Vancouver: Abtrünniges Akt-Modell düpiert Russlands Biathleten vun Benjamin Bidder, Spiegel Online van’ 19. Februar 2010, afropen an’ 29. September 2015

Weblenken[ännern | Bornkood ännern]