Kati Wilhelm

Vun Wikipedia
Zur Navigation springen Zur Suche springen
Kati Wilhelm in' Juli 2006

Kati Wilhelm (* 2. August 1976 in Schmalkalden) is en ehmalge düütsch Biathletin. Se is en vun de spoodrieksten düütsch Starterinnen in disse Sportaart mit Titeln bi Weltmeesterschapen as ok olympisch Spelen.

Karriere[ännern | Bornkood ännern]

Anfänge as Langlöperin[ännern | Bornkood ännern]

Hör eerst Erfohrungen in de Loipe hett Kati Wilhelm 1983 in dat Trainingszentrum in Steinbach-Hallenberg sammelt. Mit 14 Johren is se an dat Sportgymnasium in Oberhof wesselt un hett dor 1995 dat Abitur maakt. Glieks dornah gung Kati Wilhelm to de Sportfördergrupp vun de Bundeswehr in Oberhof. 1998 reck se bi de Olympisch Winterspelen in Nagano Platz 5 mit de Skilangloop-Staffel.

Spoodriek Biathletin[ännern | Bornkood ännern]

Kati Wilhelm wiels de Biathlon-WM 2008 in Östersund

1999 is de Skilanglöperin Kati Wilhelm to' Biathlon wesselt un is in de Saison 2000/01 eerstmals in' Biathlon-Weltcup för den SC Motor Zella-Mehlis antreeden. All in hör dart Weltcuprennen gelung Wilhelm hör de eerste Podestplatzeeren, in' Sprint vun Antholz belegg se den darten Platz. Nah wiederhen good Platzeeren in de Weltcuppunkten wurrn de Biathlon-Weltmeesterschapen 2001 in Pokljuka to'n eersten grooten Spood in hör Loopbahn. Gliek in hör eerst Wem-Rennen överhoopt, dat Sprintrennen wunn se de Goldmedaille vör Uschi Disl un Magdalena Forsberg. Dorto keemen noch Platz 7 in de Verfolgung un Platz 5 in' Massenstart un mit de Staffel reck se noch de Sülvermedaille, ofschons Wilhelm dor kien good Scheetleistung boden hett. In' nah de Weltmeesterschapen in Lake Placid utdragen Sprintrennen wunn Wilhelm dat tweet Rennen in hör Karriere. Trotz en swaak Leistung in Oslo, wo se nah den 40. Platz in' Sprint in de Verfolgung överrund wurr, belegg Wilhelm an dat Enn' vun hör eerst Biathlon-Saison Platz acht in' Gesamtweltcup.

In de Saison 2001/02 kunn sück Wilhelm endgültig in' Weltcup fastsetten. In de twalf vör Olympia utdragen beleeg se blots eenmal en Platz ahn Weltcuppunkte, hör best Platzeeren weer dorbi de tweete Platz in den Sprint vun Osrblie. Bi de Olympisch Winterspelen 2002 in Salt Lake City wurr Wilhelm to en vun de spoodriekst Athletinnen. In dat Sprintrennen wunn se de Goldmedaille vör Uschi Disl un Magdalena Forsberg un in dat Verfolgungsrennen de Sülvermedaille achter Olga Pyljowa. Ok mit de düütsch Staffel weer Wilhelm spoodriek un wunn gemeensam mit Katrin Apel, Uschi Disl un Andrea Henkel hör tweet Goldmedaille. An' Enn vun de Saison keem se weer up Platz 8 in den Gesamtweltcup.

In de Saison 2004/05 wunn Wilhelm dree Weltcup-Rennen un reck Platz 2 in den Gesamtweltcup. In de dorup folgen Saison wunn Wilhelm as tweet Düütsche nah Martina Beck (borene Glagow) in de Saison 2002/03 den Gesamtweltcup, un tosätzlich den Sprint- un den Verfolgungsweltcup.

Bi de Olympisch Winterspelen 2006 in Turin weer se de Fahndragerin för de düütsch Delegatschoon bi de Anfangsfier an' 10. Februar 2006. Kati Wilhelm wunn de Goldmedaille in de 10-km-Verfolgung vör Martina Glagow un Albina Chamitowna Achatowa, wurr Tweet mit de düütsch 4x6km-Staffel un Tweet in dat eerstmals bi Olympisch Spelen utdragen Massenstart över 12,5 km (achter Anna Carin Olofsson, vör Uschi Disl). Se is dormit de spoodriekste Biathletin bi Winterspelen. För hör Erfolge wurr se in dat Johr 2006 to de Sportlerin vun dat Johr in Düütschland wählt.

Bi de Weltmeesterschapen 2007 in Antholz wunn se eerstmals in hör Loopbahn de WM-Goldmedaille mit de Staffel. Nahdem Wilhelm siet hör Goldmedaille in' Sprint bi de Weltmeesterschapen 2001 woll mehrere Staffelmedaillen reckt hett, aber bi Weltmeesterschapen kien Eenzelmedaille wunn, reck se hier nah söss Johr in' Massenstart mal weer en Bronzemedaille, hör tweet Eenzelmedaille bi en WM.

Bi de Biathlon-Weltmeesterschapen 2009 in Pyeongchang in Süüdkorea wunn se nah 2001 weer den Sprint (vör Simone Hauswald un Olga Alexejewna SaizewaOlga Saizewa). In dat dorup folgen Verfolgungsrennen wunn se, ofschons se sössmal vörbischaaten harr, de Sülvermedaille achter Helena Jonsson ut Sweden. In den Eenzelwettkamp hett se blots eenmal dorneben schaaten un harr de tweetbest Loopleistung, wat hör to'n eersten Mal in hör Loopbahn den Sieg in disse Disziplin un dormit de Goldmedaille vör Teja Gregorin un Tora Berger inbroch.

Bi de Olympisch Winterspelen 2010 in Vancouver wunn se gemeensam mit Simone Hauswald, Martina Beck un Andrea Henkel de Bronzemedaille in de Biathlonstaffel[1]. Nah de Saison 2009/10 hett Kati Wilhelm hör Biathlonkarriere afslooten.[2] All tosommen hett se in hör Loopbahn 37 Weltcup-Siege schafft, dorvan 21 Eenzelsiege.

Nah de aktiv Loopbahn[ännern | Bornkood ännern]

Af de Weltcupsaison 2010/11 begleit Kati Wilhelm in dat Feernsehprogramm Das Erste de Överdragen vun Biathlonwettbewarfen as Expertin.[3]

Privatleven[ännern | Bornkood ännern]

As Wahlfru vun de SPD weer Wilhelm 2004 Liddmaat vun de Bundsversammlung. In' März 2006 hett se en Studium International Management an de Hoochschool Ansbach anfungen. Wilhelm is mit den Biathlon-Cheftechniker vun den Düütschen Skiverband Andreas Emslander tosommen un hett twee Kinner.[4][5]

Soziales Engagement[ännern | Bornkood ännern]

Wilhelm is Botschoperin vun de Initiative „Medienbewusst.de – Kinder.Medien.Kompetenz“ un siet 2016 vun den gemeennützigen Vereen "Die Bunten Schafe e.V.".[6]

Utteknungen (Utwahl)[ännern | Bornkood ännern]

Kati Wilhelm bi de Olympisch Spelen in Turin 2006

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Kati Wilhelm. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. www.vancouver2010.com
  2. [http://www.stern.de/sport/sportwelt/biathlon-kati-wilhelm-beendet-karriere-1549579.html Biathlon: Kati Wilhelm beendet Karriere, DPA, stern.de van' 9. März 2010, afropen an' 18. Dezember 2014
  3. [http://www.handelsblatt.com/sport/sonstige-sportarten/ex-biathletin-kati-wilhelm-wird-ard-expertin/3532534.html Ex-Biathletin Kati Wilhelm wird ARD-Expertin, handelsblatt.com van' 6. September 2010, afropen an' 18. Dezember 2014}}
  4. [http://www.fr-online.de/sport/kati-wilhelms-karriereende-gewehr-in-die-ecke-gestellt,1472784,3164006.html Kati Wilhelms Karriereende: Gewehr in die Ecke gestellt, fr-online.de van' 10. März 2010, afropen an' 18. Dezember 2014}}
  5. www.biathlon-online.de
  6. "Die Bunten Schafe" sorgen für Trubel im Ferienzentrum Albert Schweitzer: Town & Country Stiftung vergibt Spenden an zwei Kinderhilfsprojekte des Vereins, meinanzeiger.de / Jena, afropen an' 23. August 2016
  7. www.haz.de