Albina Chamitowna Achatowa

Vun Wikipedia
Albina Achatowa wiels de Biathlon-WM 2008 in Östersund

Albina Chamitowna Achatowa (russisch: Альбина Хамитовна Ахатова}}, Albina Xəmit qızı Axatova, tatarsch Альбина Хәмит кызы Ахатова; * 13. November 1976 in Nikolsk in de Oblast Wologda) is en ehmalge russisch Biathletin.

Karriere[ännern | Bornkood ännern]

Albina Achatowa (rechts) mit Kati Wilhelm (Mitte) un Sandrine Bailly wiels den Biathlon-Weltcup 2005/2006 in Antholz.

Achatowa leevt in Labytnangi, 1993 fung se mit den Biathlonsport an.

Albina Achatowa wunn bi Olympisch Winterspelen fiev Medaillen, dree dorvan bi de Olympisch Winterspelen 2006 in Turin. Hör gröttste Erfolg weer dorbi de Goldmedaille in dat Staffelrennen.

Ok bi Biathlon-Weltmeesterschapen weer Albina Achatowa spoodriek, se wunn insgesamt acht Medaillen, dorvan veermal Gold. Dreemal weer se mit russisch Staffeln oder Mannschapen spoodriek, bi den Weltmeesterschapen 2003 in Chanty-Mansijsk wunn se buterdem den Massenstart (vör Swetlana Irekowna Ischmuratowa un Sandrine Bailly).

In de Saison 2006/07 nehm se wegen hör Schwangerschap an kien Weltcuprennen deel. An' 24. Dezember 2006 broch se hör Söhn Leonid to Welt un traineer siet den Sömmer 2007 weer mit de russisch Mannschap. In' Januar 2008 is se bi den Weltcup in Ruhpolding eerstmals nah de Gebort vun hör Söhn weer antreeden un wunn bi de Weltmeesterschapen in Östersund in' Sprint de Sülvermedaille un in dat Verfolgungsrennen noch Bronze.[1] En hör an' 5. Dezember 2008 entnommen Dopingproov hett hör meest to glieker Tiet mit Dmitri Jaroschenko un Jekaterina Jurjewa vun Doping mit EPO överführt; se wurr in' Februar 2009 vörlöpig un in' August vun dat sülvig Johr endgültig för twee Johr sparrt. De Sparr leep bit ton'n 5. Dezember 2010.[2]

Weblenken[ännern | Bornkood ännern]

Albina Chamitowna Achatowa. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Nachwuchs im Hause Akhatova an Heiligabend afropen an' 11. Mai 2010
  2. Internationale Biathlon-Union sperrt gedopte Russen für zwei Jahre vun biathlon-online.de van' 11. August 2009, afropen an' 11. September 2012