Jöödsch Karkhoff Wingst

De Jöödsche Karkhoff Wingst is en Jöödschen Karkhoff in’n Oortsdeel Kiebitzmoor von de Gemeen Wingst (Landkreis Cuxhoben, Neddersassen). He is as Bodenkmaal schuult (List von de Bodenkmaals in de Wingst).

De Karkhoff is 2461 m² groot (21 breed un 100 lang) mit en Wall rüm.^[1] He liggt an’n Noordrand von de Wingst an’n Olen Postweg twüschen Kumbarg un dat Waterwark Wingst. Op’n Karkhoff gifft dat 26 Graffsteens för Joden ut de Wingst un ümto (Land Hadeln un Delen von Keden), de in de Johren 1767 bet 1926 doodbleven sünd.^[1]

De Karkhoff besteiht ut twee Delen. In ölleren Deel gifft dat fiev Graffsteen, von de de öllste von 1802 is. Dor liggt ok en oold Hünengraff. De annere Deel mit den Rest von de Graffsteen is üm 1850 rüm anleggt worrn.

De Karkhoff liggt in de Neegd von de Richtsteed an’n Galgenbarg. De Christen gellen Richtsteden as unhillige Plätz. Dorüm hebbt de Christen de Joden faken sone Plätz as Karkhoff towiest.^[1]

Literatur[ännern | Bornkood ännern]

Jürgen Bohmbach: Neuhaus a. d. Oste. In: Herbert Obenaus (Rutgeven in Tosamenarbeid mit David Bankier un Daniel Fraenkel): Historisches Handbuch der jüdischen Gemeinden in Niedersachsen und Bremen. Band 1 un 2 (1668 S.), Göttingen 2005, Sieden 1087-1091; ISBN 3-89244-753-5
Rudolf Lembcke: Der Judenfriedhof in der Wingst. In: Niederdeutsches Heimatblatt [= Bilaag von de Nordsee-Zeitung/Nordwestdeutsche Zeitung]. Nr. 287 (1973) un Nr. 307 (1975).
Dat gifft en Dokmentatschoon över den Karkhoff von Klaus-Peter Schulz, Kreisheimatmuseum Oosterholt.
Denkmaltopographie Bundesrepublik Deutschland, Baudenkmale in Niedersachsen, Rutgeven von Christiane Seger-Glocke, Neddersassisch Landsverwaltungsamt - Veröffentlichung von dat Institut för Denkmaalpleeg - Band 19, Landkreis Cuxhaven, bearbeidt von Doris Böker, Verlag CW Niemeyer, Hameln, 1997, ISBN 3-8271-8259-X, Sied 324